نفى باسم مرسي مهاجم الفريق الأول لكرة القدم بنادى الزمالك توجيه أي اساءة للإعلامى خالد الغندور لاعب الزمالك والمنتخب المصرى السابق عبر حسابه الشخصى بموقع التواصل الاجتماعي "إنستجرام". وقال باسم مرسي تعليقًا على صورة برفقة أحد أصدقائه يخرجون فيها ألسنتهم: "يا جماعة أنا أول مرة أرد على صورة فيك أو حاجة زى دى بس لما توصل للمنظر ده لازم أرد وأوضح أن فى شوية متخلفين وناس حابة تصطاد فى المياه العكرة أنا نزلت صورة وعملت تاج لصحبى كله طلع قال إنى بوجه كلامى لكابتن خالد وعملوا فتنة ودلوقتى عاملين صورة فيك متصورينها من زمان والدليل أن قصة شعرى كانت باينة أمبارح عاملة ازاى ودلوقتى مطلعين صورة قديمة ومخلينى أعمل حركة مهينة ومدخلين كابتن خالد تانى فى الموضوع". وأضاف: "كابتن خالد أخويا الكبير وبحترمه وهو أكيد عارف حاجة زى دى كويس ومفيش حاجة من التفاهات دى هتعمل فتنة بين أى شخص نادى الزمالك ليه فضل عليه واللى مش عايز يصدق عنه ما صدق بس اصحووو ليغفلونا وأنه ملوش ذنب فى أى حاجة مش فى كل حاجة تدخلوه فى جملة مفيدة".