خاص بالفيديو .. مرتضى للألتراس: انتم سفلة متربتوش ومش هتحضروا ماتشات

تصوير سارة عبد الباقي:
شن مرتضى منصور رئيس نادي الزمالك هجومًا ضاريًا على مجموعات الأولتراس خلال المؤتمر الصحفي الذي عقده بمقر النادي، بسبب ازمة حضور الجماهير للمباريات، حيث قال: "90% من المشكلة في الجماهير، ألف الفين 5 آلاف عيل تافه هم اللى حارمين المنتخبات القومية و الفرق الكبيرة زى الأهلي والزمالك من حضور المباريات لانهم مش عايزين يحترموا نفسهم".
وتابع مرتضى: "اللى يدخل يخرب او يضرب عسكري او يتبول علي عسكري ده لان ابوه وامه معرفوش يربوه"، مشيرًا إلى أن البلد تتعرض لمؤامرات، في ظل أنباء عن استشهاد جنود الشرطة والجيش يوميًا.
وأضاف: "كلنا شوفنا اللى حصل في مباراة سموحه وبدون مناسبة كسروا اتوبيس سموحه، واقتحموا ستاد القاهرة، وجم وقت الاحتفال بالكاس حدفوا طوب على النادي، إيه السفالة دي؟".
وتابع: "نادي بيحتفل بالكاس اللى حصل عليه من فرق قوية، كان مشترك فيها الاهلي وسموحه وبتروجيت والإسماعيلى، مع احترامنا لمجلس الدكتور كمال درويش البطولة اللى فاتت مكنش فيها الأهلي، ومع ذلك جاي تحدف طوب على النادي".
وواصل مرتضى هجومه العنيف: " بيقولوا هتدخلنا الماتش ولو مدخلناش تبقى جبان، لا ده انت اللى جبان وابوك جبان وامك جبانة ولا عارفه تربيك، لانك عامل مشكلة في البلد، في الدراسة تولع في الجامعه في الكورة تولع في الاستاد".
ووصف مرتضى الالتراس بأنهم مجموعة لديها شذوذ نفسي، مشددًا: "كل اللى بتعملوه مش هيجيب نتيجة ومش هتحضروا ماتشات".
ثم تطرق مرتضى للحديث عن التقرير الذي بثته قناة الجزيرة عن فوز الزمالك بالكأس واصفة إياه بأنه مكافأة لرئيس النادي على مشاركته في الإنقلاب العسكري قائلًا:"دى قناة هبلة، انقلاب ايه؟ انت كنت جايب رئيس جمهورية عبيط اسمه محمد مرسي، وبعدين انا روحت اعترضت رسمي على تعيين جهاد جريشة واسألوا رئيس لجنة الحكام، وجابوه و نقلوا الماتش اسوان وسموحه اعترضت زيي".