فيديو .. شحاته يفتح النار على حسام حسن : كنت فين لما شيكابالا اتخانق مع اخوك .. وكفاية هجوم عمال على بطال

شن الاعلامى كريم حسن شحاته هجوما حادا على الكابتن حسام حسن المدير الفنى للنادى المصرى بسبب تصريحاته بخصوص ازمة شيكابالا مع الكابتن حسن شحاته .
وقال شحاته فى برنامج "كورة النهاردة" " الكابتن حسام من بعد ما ترك الزمالك نازل هجوم على الكابتن حسن شحاته المفروض وهو محلل يكون محايد ومش يهاجم بدون سبب ويقول اللى قدامه .
واضاف شحاته " حسام بيقول شيكابالا محتاج معمله خاصة طيب ياكابتن معملتش معاه كدة لية لما اتخانق مع ابراهيم حسن بالايد وانت اشتكيت منه اكثر من مره الموسم الماضى .
وتابع " انا مصدوم من تصرف شيكابالا خاصة وان علاقته قوية بحسن شحاته ، وكان يجب عدم اشراك اللاعب امام المغرب الفاسى كعقاب مستمر لأنه تمرد عن المشاركة فى مباراة افريكا سبورت ، واللاعب يحتاج الى تقويم" .
واكمل " مستر مانويل جوزيه المدير الفنى للأهلى قال ان حسام غالى لن يستمر طوال فترة وجوده فى النادى رغم ان ما فعله اللاعب لم يكن فى مستوى ما فعله شيكابالا ، ولكن هذه هى المبادىء دائما فى الاهلى " .
لمشاهدة الفيديو اضغط هنا