رضا عبد العال يرفض تعاقد الزمالك مع مدافع الأهلي المطرود ويؤكد مبطل كورة و المشرحة مش ناقصة .. دونجا كان لازم يسيب الملعب بعد الحركة دي .. هذا اللاعب أفضل من صفقات الزمالك الجديدة وجمهور الأهلي بيساعده لعيبته

رضا عبد العال يرفض تعاقد الزمالك مع مدافع الأهلي المطرود ويؤكد المشرحة مش ناقصة

مهاب ممدوح

رفض رضا عبد العال، نجم الأهلي والزمالك السابق تعاقد الزمالك مع رامي ربيعة مدافع الأهلي مشددا على أن اللاعب "مبطل كورة".
قال رضا عبد العال في تصريحاته عبر قناة إم بي سي مصر: "رامي ربيعة ده مبطل كورة، هو الزمالك مستشفى عشان يجيب الناس دي، يجيب عمر جابر ويجيب رامي ربيعة؟"
وأضاف عبد العال : "دلوقتي عمر جابر مبقاش لاعب كبير، وفي بيراميدز كان دكة مش بيلعب"
وواصل: "سيف جعفر ويوسف أسامة نبيه هيمضوا وهيجددوا لنادي الزمالك، بس متأخرين عشان عدم الاستقرار"
وعن مروان عطية لاعب الأهلي قال: "مبيعرفش يباصي ومن وقت ما راح الأهلي مش عارف يلعب، وقندوسي هو اللي هيبقى اعلى صفقة في الأهلي، لما مروان عطية جه النادي الأهلي مبقاش يعرف يباصي، ومروان عطية عشان لبس القميص الاحمر بقى احسن لاعب في العالم،
والناحية التانية عمرو السيسي ومصطفى شلبي عشان في الزمالك يتشتموا ويبقوا صفقات فاشلة، ده الفرق بين جماهير الأهلي والزمالك"
وواصل: "حمدي علاء أحسن من دونجا، وأحسن من عمرو السيسي، أنا السنة اللي فاتت لما شوفت حمدي علاء بيلعب في سموحة قولت ده لاعب متكامل، وعامل زي محمد مجلي لاعب المقاولون مسمار في نص الملعب"
واختتم: "أحمد بلحاج خد أكتر من حقه، وناصر منسي وزنه زايد، ودونجا خد كوبري عيب في ماتش بيراميدز، كان لازم يسيب الملعب ويخرج بعده"