الجماهير تشعل مواقع التواصل بالهجوم على ثلاثي الزمالك بسبب "إزالة الشعر"

حالة من الغضب الشديد انتابت جماهير نادي الزمالك، على مواقع التواصل الاجتماعي، بسبب ثلاثي الفريق مصطفى شلبي وعبدالله جمعة ومحمد صبحي.
وفي ظل استعداد الزمالك لخوض مواجهتين قويتين أمام بيراميدز في الكأس والأهلي في الدوري، نشر عبدالله جمعة ومصطفى شلبي صوراً لهما أثناء خضوعهما لجلسة ليزر لإزالة الشعر.
واتهمت جماهير الزمالك الثلاثي بالاستهتار وعدم تحمل المسؤولية، كما فتحت ملف انتماء مصطفى شلبي للأهلي وتعمده تكرار سيناريو محمود كهربا.
وجاءت تعليقات جماهير الزمالك كالتالي:
مهند:
من يوم ماتش الاتحاد و انا عايز اكتب اني مش طايق مصطفي شلبي و مش عايز اشوفه في الملعب تاني و بحاول افرمل نفسي بس هو نزل بوست بيزيل شعر بالليزر يخليه يستحق تماما الطرد من النادي
إسلام كوليبالي:
مصطفي شلبي غيران من مايان السيد
محمد:
مصطفي شلبي متقمص دور كهربا اهلاوي و جايبينه من انبي برضو و نفس الشخصيه بره الملعب و الاعتراض علي التغير ولو حصل و تألق معانا و جاله فرصه يروح الاهلي اكيد هيروح
محمد إبراهيم:
من هنا تأتى الهزيمة
التعاقد مع لاعب أنا عارف إنه أهلاوى ده غلط إللى ذى ده سرطان فى أوضة اللبس لاعب مش عارف قيمة النادى ومش حاسس بالجماهير إللى دمها بيتحرق أتمنى التخلص منه فى أقرب وقت علشان ده مشروع كهربا جديد
حاجة أخيرة مرتضى منصور هينفخك ياليزر
عبده أبوعويلي:
اواحنا الي دمنا محروق علي النقط الي عمال بتضيع و عمال نحسب و نهري و ننكت و انتم عايشين في مية البطيخ و بعدين عبدالله جمعه و مصطفى شلبي انا رامي طوبتهم يعني الاتنين لا يعتمد علييهم عبدالله بقاله فتره مانتخ و لا بيلعب و لا ليه دور و شلبي مش مطمن له خالص
شادي الرفاعي:
مصطفى شلبي انسجم بسرعة مع "خواجات" الزمالك، وخد اخوه عبدالله جمعة تحت باطه وراحوا شالوا شعرهم بالليزر