رد ناري من لاعب الزمالك السابق على أزمة التفويت: أنت بقي فاشل وبتعلق فشلك علي شماعة غيرك

رد حسني فتحي لاعب الفريق الأول لكرة القدم بنادي مصر للمقاصة والزمالك السابق على الاتهامات التي تعرض لها فريقه بشأن تفويت المباريات.
وقال عبر حسابه على فيسبوك :"السلام عليكم ورحمه الله وبركاته..انا مش بحب اتكلم او اظهر كتير انما في حجات دائما بتجبرك انك ترد".
وتابع :"أولاً واحد عمره مالبس شورت وتيشرت وبيتكلم ويعقب ويرمي كلام علي نادي كبير نادي قدر في ال 10سنين الماضيه يفرض نفسه علي الكره المصريه وبشهاده كل الناس نادي اتولد كبير وهيفضل كبير ..انا اول مره في حياتي اشوف نادي بينافس علي الهبوط وبيخسر كل متشاته ومستني نتايج الفرق التانيه".
وأكمل :"انت بقي فاشل وبتعلق فشلك علي شماعه غيرك دي حاجه تانيه ..الفشل الإداري الزريع انك من ساعه ما صعدت للدوري الممتاز وانت اقصي طموحك انك تقعد في الدوري بدون هدف وبدون هويه كل موسم تصرف اضعاف واضعاف والنتيجه معروفه دايما في اخر الجدول".

وأضاف :"انت بتتكلم علي نادي باع نجوم لمصر كلها وكل موسم بيبيع لعيبه وبيرجع اقوي مما كان
نادي لعب دوري ابطال افريقيا
نادي لعب كأس الكونفدراليه الأفريقية
نادي اخد تاني الدوري الممتاز
نادي أداره ولعيبه في قمه الاحترام والنزاهة
انا بقول اكسب انت وحاول تركز في الكام ماتش ال بقيلك في الدوري قبل ما تشرف الدرجه التانيه
ابقوا اعرفوا انتوا بتتكلموا علي مين .