خالد الغندور: الخطيب يقعد يقولك مش بنفاوض حد من الزمالك وفي الاخر يفاوض نجومنا هاجم خالد الغندور نجم الزمالك الأسبق محمود الخطيب رئيس النادي الأهلي وذلك بسبب تصريحاته التي تكون غير صحيحة. وقال الغندور في تصريحاته عبر برنامج زملكاوي: "الخطيب يجي يقولك مش هنفاوض حد من الزمالك وفي الاخر يجيب محمد محسن من فريق الطايرة ويفاوض والتر هودج" اضاف: "والتر امبارح قالنا قبل الهوا الأهلي بيكلمني وعايز يضمني ولكن ان شاء الله حسين لبيب رئيس النادي هيقنعه بالبقاء" وتابع َ: "فرقة السلة قدمت بطولتي إفريقيا وكذلك الدوري وتستحق الاحتفال بيها والتكريم فعلا" وختم حديثه قائلا:" أوجستي جايله عروض ووالتر وأنس ومهاب ياسر ولكن الادارة هدعم فريق السلة كويس جدا لمواصلة النجاحات" حسين لبيب: مش مركز في موضوع الانتخابات وهدفي خدمة الزمالك وبس رد حسين لبيب رئيس الزمالك الحالي على فكرة إمكانية ترشحه في انتخابات نادي الزمالك المقبلة خاصة بعد النجاحات التي حققها. وقال لبيب في تصريحاته عبر برنامج زملكاوي: "يحق لي الترشح ولكن مش مركز في الموضوع ده دلوقتي نهائي هدفي وشغلي الشاغل دلوقتي خدمة الزمالك فقط" اضاف: "تكريم السلة انهاردة كان رسالة لابد أن كل الفرق تعرف ان الزمالك بيقدر اللي بيجتهد وبيخدم الزمالك والترتيبات جات مفاجأة بسبب سفر أوجستي وهودج وإيلونو اللي من حبه للزمالك فضل مكمل مع الفرقة" وتابع حسين لبيب:"تفكيري الجديد اني كنت أكرم الناس دي في فندق فايف ستارز مش في النادي عشان الحفل يبقى شيك والتكريم يليق بأبطال الدوري وإفريقيا عايز الناس كلها تعرف مكانة الزمالك وده السبب الأساسي في إقامة الحفل في فندق كبير" وختم حديثه قائلا:"عاملين احتفالية بكرة بمناسبة 30 يونيو بداية مصر الجديدة من وجهة نظري ونادي الزمالك له دور وطني اكيد وعشان كدة عاملين احتفالية خاصة بمناسبة 30 يونيو" .
