الغندور ..الزمالك عنده ازمة طاحنة ورجال الأعمال مستخبيين وهذا موقف من عرض الدحيل القطري ويهاجم مصطفى محمد

خالد الغندور لرجال الأعمال الزملكاوية: كنتوا بتهاجموا مرتضى ودلوقتي مستخبيين
هاجم خالد الغندور نجم الزمالك الأسبق رجال الأعمال التي تنتمي لنادي الزمالك، مشددا على أنهم لا يدعمون النادي مطلقا.
وقال الغندور، في تصريحاته عبر برنامج زملكاوي: "رجال الأعمال اللي كانت بتهاجم مرتضى منصور وكانوا بيقولوا يمشي بس وهندعم النادي مستخبيين دلوقتي والنادي في أشد حاجة ليهم ولدعمهم"
وأضاف: "مع الأسف في رجال أعمال بيحبوا الشو فقط وده همهم بس في الحياة خاصة رجال الأعمال الزملكاوية"
وختم حديثه قائلا: "بقولهم لو بتحبوا نادي الزمالك لازم تخافوا عليه وتقفوا معاه وقت الشدة"
الغندور الزمالك عندنا ازمة طاحنة
وجه خالد الغندور تلميحا صادما لجماهير الزمالك بوجود أزمة مالية قد تجعل القوام الأساسي للفريق يرحل.
وقال الغندور في تصريحاته عبر برنامج زملكاوي:

"خالد الغندور : خلوني اكون صريح معاكم وان اللجنه المؤقته الفتره الجايه محتاجه عشان تحافظ على قوام فريقك وتصرف المرتبات وتجدد عقود اللعيبه مش اقل من 500 مليون جنية وده رقم كبير جدا وغير طبيعي"
وأضاف: "ومفيش لاعب محترف مهما كان هيقعد عشان العاطفه والعروض الخياليه المقدمة كبيره والتضحية دايما بيكون ليها حدود"
وختم حديثه قائلا:" احنا ورا اللجنة الحالية وورا أي حد هيخدم الزمالك ومصطفى محمد لسة مصمم على الاحتراف ولكن مش هيمشي إلا بعرض كويس" .
الغندور يكشف موقف ساسى من عرض الدحيل القطري
أكد خالد الغندور نجم الزمالك الأسبق أن الدحيل القطري يرغب وبقوة في حسم التعاقد مع فرجاني ساسي لاعب الفريق الأول لكرة القدم بنادي الزمالك.
وقال الغندور عبر برنامج زملكاوي: "خالد الغندور : ساسي معروض عليه يمضي للوحدة الاماراتي واتحاد جدة والدحيل القطري واقرب هذه الاندية للتعاقد مع ساسي هو الدحيل و معروض مبلغ خيالي عليه والنهارده كان في ماتش للدحيل والمعلق الخليجي قال فرجاني في الدحيل خلال اسبوع والمسئولين قالوا فرجاني في الدحيل القطري واخر ماتش له مع الزمالك يوم الخميس او السبت وفي ناس زملكاويه من قطر تواصلوا معايا واكدوا ان الخبر سليم"
أضاف:" وبقولها بوضوح فلوس ساسي المتأخرة يوم الاربعاء الصبح هتكون في حسابه ومقدم التعاقد وهيبقى خلال ايام لازم يجدد فهل رغبته اللعب في الدحيل او يكمل في الزمالك"
ويأمل جمهور الزمالك في تجديد عقد فرجاني ساسي خلال الفترة المقبلة خاصة أنه من ضمن القوام الأساسي للفريق الأول بنادي الزمالك.