محمد اشرف روقة : الدورى للزمالك و رفضت اكون موظف وهذا الرباعي هم الافضل ومصيرى فى يد هذا الرجل

محمدأشرف روقة لاعب الزمالك يتحدث بصراحة:أنا مش موظف..
وإنبي يرغب في بقائي معهم
الزمالك الأقرب للتتويج بالدوري.. فرجاني وجنش وعبدالله جمعة الأفضل
اجرى الحوار هانى عصام
لم يحصل على فرصته لفترة طويلة مع الزمالك ورحل بعد فترة وجيزة وبدون ترك بصمة مع الفريق لكنه قدم مستوى مميز مع إنبي في الموسم الجاري ونجح في لفت الأنظار وقدم أداء رائع وأعاد اكتشاف نفسه من جديد.
"أخبار الزمالك" يحاور محمد أشرف روقة لاعب فريق الزمالك المعار إلى صفوف إنبي لنكشف معه موقفه من العودة إلى الفريق الأبيض في الموسم المقبل ووجهته حال عدم اللعب للزمالك بالإضافة إلى توقعاته لبطل الدوري.
#ما السبب وراء تألقك مع إنبي في الموسم الجاري؟
كنت سعيد بالتواجد في إنبي أولًا منظومة محترمة برئاسة المهندس علاء خشب والمهندس زكريا السيد والكابتن عبد الناصر محمد مدير الكرة، وشعرت براحة نفسية كبيرة والحمدلله أنهيت الموسم معهم بشكل رائع وشاركت في المباريات الأخيرة بصورة ثابتة.
#لكن مستواك مع بداية الموسم كان مختلف ما السبب؟
في بداية الموسم كنت بحاجة إلى وقت للانسجام والتأقلم مع الفريق خصوصًا أنني انضميت قبل بداية الموسم بفترة وجيزة ومع مرور الوقت تأقلمت مع اللاعبين وبصراحة وجود علي ماهر على رأس المسئولية الفنية للفريق فرق معي بشكل كبير وساعدني على إنهاء الموسم بشكل رائع وقام بتطوير أدائي.
#ما سبب رحيلك عن الزمالك؟
انا طول فترة وجودي في النادي اول مجيت كنت بعمل اللي عليا وثبت نفسي الحمد لله وكنت هداف الفرقه وبعد كده قعدت بدون سبب وفي النهاية قررت الرحيل عن الفريق بعدما تيقنت أن استمراري لن يكون مجدي بسبب خروجي من الحسابات بشكل نهائي.
#كيف ترى فرص عودتك إلى الزمالك؟
أرى أن في ظل وجود طارق وفرجاني طبعا وفيه محمود عبد العزيز ومحمد حسن فهيبقى وجودي في الملعب صعب بسبب العدد اللي موجود في مكاني.
#كيف كانت العلاقة بينك وبين نيبوشا؟
طول فترة نيبوشا كنت بلعب بصفه أساسيه ومستمره وكان فيه كلام اني اروح المنتخب مقعدتش غير اخر ماتش لنيبوشا كان ماتش الجيش بس فيه ناس بتقول انا قعدت بسبب الاصابه وده كلام مش مظبوط.
#وماذا حدث بعدها؟
كابتن ايهاب عندما جاء لم ألعب معه غير 3 مباريات وكنت احتياطي هو اكيد ليه وجهة نظر وتحترم بس انا كنت بعمل اللي عليا برده وماثرتش في حاجة.
#وماذا عن خالد جلال؟
كابتن خالد جلال عندما جاء كان وقت ضيق ومعرفش يغير في اي حاجة هو كل مدرب بيبقى ليه وجهة نظره إنما انا اللي عليا اني بتمرن كويس وبس لكي أظهر بشكل مميز عندما أشارك لاني مبعرفش اقوم بدور الموظف اللي رايح التمرين وجاي من التمرين.
#ومن لفت نظرك بين لاعبي الزمالك في الموسم الجاري؟
لعيبة كتير الصراحة كلهم كانو في معظم الماتشات بيظهرو بشكل مميز خاصه جنش وفرجاني ساسي وَعَبَد الله جمعة.
#هل تمتلك عروض في الوقت الحالي؟
فيه عروض من أربع أندية بس كلهم لسه شفوي مفيش غير انبي اللي متكلمين معايا بشكل رسمي ومستني بس الاتفاق مع المستشار مرتضى منصور.
#البعض يرى أن اللعب للزمالك يحتاج إلى لاعبين يتحملوا ضغوطات هل كنت تفتقد لهذا الأمر؟
لا طبعا متاثرتش بكل ده انا من طبيعتي اني اي حاجة تعمل عليا ضغط سلبي بفصل نفسي عنها انا اهم حاجة شكلي ومستوايا في الملعب طول مانا الحمد لله كويس وماشي بشكل ومستوى مميز ده اهم حاجة عندي.
#من تراه الأقرب للتتويج ببطولة الدوري؟
الزمالك ان شاءالله سيحصل على بطولة الدوري.
#كيف ترى فرص مصر في التتويج بالكان؟
مصر ان شاء الله الأقرب للبطوله بتوفيق من ربنا ووجود محمد صلاح في المقام الأول وباقي اللاعبين.
#هل سترحل على سبيل الإعارة أم البيع النهائي؟
انا لسة مش عارف بس هما إنبي ، عايزين اكون معاهم السنه الجايه ان شاء الله سواء بيع او اعاره فهنشوف لسة مع المستشار مرتضى ايه اللي هيتم الإتفاق عليه .