محمد علي السيد يكتب: الوزير شال الثلاجة !!

1
-الوزير شال التلاجة ووداها البيت!!
-يعنى أيه ؟!
-يعنى تعديل وزاري!!
-والبنت اللى فرحها بعد أسبوع
وكتبنا أسمه فى الدعوات؟!
وأخوات العريس جايين من الكويت و البحرين!!
وتجديد معاشى بعد سنه؟!
أتمسكنا من زمارة رقبتنا!!
-لو طلع من الوزارة نعزم الوزير الحديد!!
- وواحد أبن حلال يبلغ الجديد
يعتبرنى من محاسيب القديم ونصايب سوده
ولو طبعنا تذكرة جديدة من غير أسمه
و ما أتشالش
وواحد بن حلال قال له أخسره على طول؟!
سألنا فى الوزارة قالوا ها يتغير
والبعض قال مستمر
صحفى صديق قال التعديل أكيد
وصحفي قال إشاعات
عضو برلمان معرفه قال راسخ كالهرم
وأخر قال طاير ذى الحمام
خياطة هوانم المسئولين تعرف أسرار البلد المدامات تفصل و يقلن الأسرار
تليفونها يوقف النقل والفصل من العمل وغرامات المرور
لم تحسم الأمر!
مدير مكتب الوزيربلغ مرضى فى البيت
لو الوزير أستمر يبقى كان عيان
ولو الجديد يبقى أخد موقف
بيحهز المذكرة اللى يعرضها عليه
جهزوا قرارات وزارية بتاريخ قديم
إذا كان ماشي يمضى يصلح أحوال ناس ويصرف مكافآت
(حتى فى النصايب يعرفوا يستفيدوا)
فرق بدل سفر الوزير من تسع شهور
طالبوه بها النهارده
رد الفرق وحول الموظف للتحقيق بتهمة الإهمال؟
وكيل الوزارة بيقولوا مرشح
عنده طابور من المتوددين
بيقولوا عرف ومخبى لغاية ما يصدر القرار
مدير أمن الوزارة بيجمع فلوس حفل تكريم
إذا الوزير أستمر يبقى راجل أصيل
وللجديد حفل إستقبال
وما حدش ها يقول لا!
البلد دى عمر ما طلع فيها إشاعه من غير أساس ما أعرفش الناس بتعرف منين؟!
كل يوم واحد يحكى كلمتين لمراته
و التليفونات توزع الاسرار
كل وزير جديد ييجى كأنه ما سبقوش تانى
يبتدى الوزارة من الأول يجيب طقم جديد
ورؤساء أقسام وإدارات
لازم الوزارة تكمل سنه
علشان يستحقوا ا معاش وزير؟!
لو الوزير أخذ الوقت المناسب
كان يعرف الكفء من الوحش
الوزير ما دام بيتعين ويترقى ويأخذ أجازة
ويقبض من الصراف يبقى موظف
قالوا الاصلاح ينتهى هذا العام ويبقى حالنا عال
و طلعنا من المولد بلا حمص
رشدنا علب الملبس من معدن لورق
وقللنا الملبس والمدعوين
ناس لما حالها راج شغلها باظ
مش قادرين على النعمه!!
2
الوزير رجع الثلاجة تانى وجوازة البنت باظت!!!
3
(الوزير شال الثلاجة ومسرحيات أخرى
هيئة الكتاب 1980)
سعد الدين وهبة (25-1997) كاتب مسرحي وكيل وزارة الثقافة -رأس هيئة قصور الثقافة إتحاد الكتاب -مهرجان القاهرة السينمائي وغيرهم
4
(مسرحية أحمد الفسخاني)
أحمد الفسخاني عربجي حنطور
محطة قطار الدلتا قرية منسية
لقط رزقه (موظف من البحث الجنائى بالقاهرة)
هبط فجأة (زبون صقع) جاء يسأل عنه شخص أسمه (أحمد الفسخاني)
سؤال بسيط لكن مهم فهو حتى الان (شاهد)
يتدارك المفاجأة يستدرجه مستكشفا يطمئن
-عمل حاجه ؟سرق سريقه ؟قتل قتيل؟
يحيره أكثر
-ابدأ الأمور ما وصلتش لكده!
(لم يعطه عقاد نافع)
يأخذك سعد الدين وهبه لمغامرات
(على الزيبق )و(دو ن كيشوت)
يتلقفه العربجي الى دائرة أحتيال تلقائية
بشر عانوا من سلب ونهب وظلم وإحتيال الحكام
الاف السنين يهابون شر الغفلة
وأبتلاءات ذنوب مجهولة أو غير موجودة
يغتنمونه الفرصه مجتمعين على قلب رجل واحد يحمون بعضهم مستمتعين بإستكراد الغشيم
يعاونهم تباعد أسم (الفسخانى) عن مهنة صاحبه (عربجى -حنطورجى) يضلل ذهن الغريب
مقهى ريفى صاحبته زنوبه وصبيها (الشحات )
يبادرهم توضيح وتنبيه
-العواف أصل البيه ده جاى من مصر مخصوص بيدور على (أحمد الفسخانى) قلت له نسأل
الست بدور والمعلم الشحات واخدين بالكم ؟
(رفع قدرهم يستروه)
-حد منكم شاف أحمد الفسخانى
يتجاوبان
بدور -داهية تغمه مطرح ما هو قاعد !!
الشحات -ما عتبش هنا عليه خمسة شاى!!
ويسخران ضمنا من الفسخانى
- تلقاه راح الديوان (موظف حكومى كبير )
- أو الأبعدية (أقطاعى زراعى )
يردهم - والله لما أشوفه لأقوله
الشحات -ده راجل خيخه
زنوبه -حاسب ده صاحبه الروح بالروح!!
يستدرجون البيه- هى المسأله مهمه؟!
لا يعطي رد مريح
زنوبه تمنيه -زمانه جاى على البيه ما يستريح!!
-شاى البيه ضيفنا ولابد من إكرامه
إبتزاز داخلى
الفسخانى -باقولكم أيه لسانك حصانك ؟؟
بدور -قدم السبت تلقى الحد
الشحات - كلك نظر !!
المصيدة
الفسخانى لصبى المعلمة
-البيه أبن حلال روح داير الناحيه دور له عليه
بدور -البيه ها يديك الحلاوة
البيه :ويستنى ليه يأخذ مصاريف المواصلات يعطيه عشرة قروش ( البيضة بمليم -ثمن مائة)
بدور -أوعى تتجوز بيهم !!
الفسخانى - لما تجيبه البيه ها يديك قدهم
ربنا سايقه لك علشان سعدك
أصله أول ما نزل من القطر قلبى أنفتح له
بدور -إحنا ناس غلابة مال المباحث ومالنا
البيه -المباحث تتعامل مع الأشرار والطيبين
بدور- كل ما كنت أبص فى عيونه
أحسن إنه قتال قتله هوه قتل مين يا أفندى؟!
عجوز المقهى
تلاقيك جايب الكلبش الحديد فى الشنطة؟
طب ما عندنا مباحث وحديد وسجن
اشمعنى سيادتك جاى مخصوص من مصر
الموظف -حاجه بسيطه إن شاء الله
0
الشحات على جنب يهدد الفسخانى
-هات بريزة وإلا أقوله
بدور حاسمه -أتلم يا وله
الشحات -نص البلد عرف الخبر!!
وناس ما عندهاش ذمه ولا دين
الشيخ مبروك (البقال ) قال لى عاوزني أدلك عليه أدفع اللى عليهجنيه وتعريفه
الفسخانى معترضا - سمعته من يومين
بيقول تمانين قرش
-الشحات مستغلا لمصلحته
-ماهو سحب حاجات جديده (الفرق 35 قرش)
بدور - البيه يدفع الفلوس !!
شيخ الخفر يقتحم المقهى غاضبا بالطو وبندقيه
الفسخانى يهمس للموظف يستميله
- ده راجل بيخر أدب!!
شيخ الخفر : هو أحنا بلد غير بواب
أحنا الحكومة وشغلتنا ندور على الناس دى
الفسخانى : الغلط عندى
مفروض أجيبه لك من الأصل
بدور تهمس محذرة للبيه -هات خمسين قرش
شيخ الخفر -بعت أربع خفراء يدوروا عليه
زمانهم كتفوه فى السلاحليك وها يجيبوه
بدور من جديد -هات أثنين جنيه
نص لكل خفير
ينبها - طب وهوه
قلبها على البيه -يتصافى معاهم !!
هات جنيه ونص معايا نص جنيه
- لا ده خليه حساب الشاي
-
زوجة الفسخانى قادمة تولول
كيف تعيش وأبنها من غير راجالها
بدور تنصحه : سكتها بأثنين جنيه
-
الفسخانى يؤمن أبنه الصبى
-خد قرش صاغ أتفرج عليه بس واديه لابوك!!
الولد يعطىيه إياه
-مش أنت قلت اديه لأبوك!
يزجره همسا- يا أبن يهرول (مبتعد)
الفسخانى يهمس يصبرهم
- ربنا يسهل والبيه ينزاح فى قطر العصر
الزوجة تتوههم
-هوه موجود جنب المحطة
تشوفه وتلحق القطر
شيخ الخفر -آبدا الخفر شافوه
متعلق على عربية نقل للبندر
بس ها يروح منى فين
بدور - ما تخليك معانا الليلة يا بيه
يؤكد أهميته -لازم الحق القطر
-ها توحشنا يا بيه
الموظف -ها ابلغ باللى حصل
ولو حكموا رأيهم مضطر أرجع بعد يومين
بدور -تيجى على القهوة ع طول
أكرام الضيف واجب
-طبعا أنا كسبت صداقة ناس طيبين
يدفع حساب المشروبات
حسابك با أحمد فى السكه علشان ما نتأخرش
تودعه بدور ساخرة
مع السلامه يا احمد يا فسخاني
يهمس - بلاش فضايح
بس لو يقول لى الحكايه فيها إيه؟!
يضحك كل من فى المقهى