بعد ظهورها مع رضوى الشربيني..فريدة عبيد لمنتقدي شكلها: "اعتبروني مطربة شكلها وحش"

وجهت المطربة الشابة فريدة عبيد رسالة شديدة اللهجة لمنتقدي شكلها، بعد ظهورها مع رضوى الشربيني، عبر حسابها الرسمي بموقع التواصل الاجتماعي "فيس بوك" .
أول رد من فريدة عبيد ل منتقدي شكلها
وعلقت الفنانة الشابة فريدة عبيد بكلمات شديدة حازمة للمتنمرين على شكلها،قائلة : " كل اللي بيتكلم ويتنمر على شكلي مريض بجد وعايزة أعرفكم معلومة صغيرة: أنا في البرنامج ده علشان موهبتي وأغنيتي اللي كتبتها ولحنتها وغنتها ونجحت والناس حبتها، مش علشان أنا بنت شكلها حلو" .
وتابعت فريدة عبيد: " ولأريحكم، اعتبروني مطربة شكلها وحش بس صوتها حلو. لو انتو مش مستوعبين إن كاميرا الموبايل مش بتجيب الشكل مظبوط زي كاميرا التليفزيون، والإضاءة والميك أب واللبس والشعر كل ده بيعمل تغيير في الشكل، يبقى دي حاجة ترجعلكم، أو تقريبا انتو ما بقيتوش قابلين تشوفوا ناس طبيعية وبسيطة مش متكلفة في ظهورها ".
وأختتمت فريدة عبيد: " عمومًا، زي ما قلت لكم، اعتبروني مطربة صوتها حلو بس شكلها وحش لو ده هيريحكم أنا عن نفسي مرتاحة في شكلي ومتقبلة في كل الأحوال انتو ايه مدايقكم مش فاهمين وليه أصلًا مركزين في شكلي! ".