مي عمر توثق زيارتها للأهرامات قبل افتتاح المتحف المصري الكبير

شاركت الفنانة مي عمر مع جمهورها ومتابعيها بمنشور لأحدث ظهور لها، عبر صفحتها الشخصية والرسمية على موقع التواصل الاجتماعي «إنستجرام».
وظهرت مي عمر من خلال صورة زيارتها للأهرامات، معبرة عن انبهارها بالتطور الكبير الذي شاهدته، على هامش قرب الافتتاح العالمي المرتقب للمتحف المصري الكبير، المقرر يوم السبت 1 نوفمبر 2025، وهو الحفل الذي سيحضره عدد من قادة العالم وكبار الشخصيات الدولية.
وكتبت مي عمر: "من وآنا طفلة صغيرة، كان عندي حلم أزور الأهرامات وآحس عظمة المكان ده.. وفعلا زرتها لأول مرة من أكتر من 20 سنة، وقتها كانت لحظة سحرية عمري ما نستها".
وتابعت مي عمر: "النهاردة، بعد كل السنين دي، رجعت أزور الأهرامات من تاني... ومن اللحظة الأولى انبهرت بالتطور الرهيب اللي شفته.. شفت قد إيه المكان اتحول لمزار سياحي عالمي بمعنى الكلمة، المكان بقى منظم، جميل، راقي وكل تفصيلة فيه بقت بتحكي مش بس عن تاريخنا، لكن كمان حاضرنا اللي بنفخر به".
وأضافت مي عمر: "ده كله بفضل المجهود الكبير اللي اتعمل، والقيادة اللي آمنت إن مصر ستحق تكون في المكانة دي كل التقدير والاحترام لفخامة الرئيس عبد الفتاح السيسي، اللي بيشتغل بكل إخلاص علشان يرفع اسم مصر، ويخلي كل مصري يحس بالفخر في كل خطوة وفي كل لحظة.. شكرًا لأنك رجّعت لمصر هيبتها، وجمالها، ومكانتها اللي تستحقها".
واختتمت مي عمر: "مستنية من كل قلبي لحظة افتتاح المتحف المصري الكبير.. لحظة هنعيش فيها فخر جديد، ونشوف حضارتنا العظيمة وهي بتتجدد قدام عيون العالم كله".
View this post on Instagram
A post shared by Mai Omar (@maiomar_)
وتستعد مصر خلال الأيام المقبلة لافتتاح المتحف المصري الكبير، في احتفالية تُعد الأكبر من نوعها على الإطلاق، ليصبح هذا الصرح العالمي علامة فارقة في مسيرة الحضارة الإنسانية، ومصدر فخر لكل مصري، فالمتحف لا يمثل مجرد منشأة أثرية جديدة، بل حدثاً ثقافياً وتاريخياً يعيد وضع مصر في صدارة المشهد الحضاري العالمي.