مي عمر: «شكرا للرئيس عبدالفتاح السيسي إنه رجع ل مصر هيبتها»

تحدثت النجمة مي عمر، عن التطور الذي شاهدته في منطقة الأهرامات، موجهة الشكر للرئيس عبدالفتاح السيسي، على جهوده في تطوير الأراضي المصرية.
وكتبت مي عمر عبر «انستجرام»:‏ «من وأنا طفلة صغيرة، كان عندي حلم أزور الأهرامات وأحس بعظمة المكان ده، وفعلا زرتها لأول مرة من أكتر 20 سنة، وقتها كانت لحظة سحرية عمري ما نسيتها،‏النهاردة بعد كل السنين دي، رجعت أزور الأهرامات من تاني،ومن اللحظة الأولى انبهرت بالتطور الرهيب اللي شفته».
وأضافت :«شفت قد إيه المكان اتحول لمزار سياحي عالمي بمعنى الكلمة، المكان بقى منظم، جميل، راقي وكل تفصيلة فيه بقت بتحكي مش بس عن تاريخنا، لكن كمان حاضرنا اللي بنفخر به،‏وده كله بفضل المجهود الكبير اللي اتعمل، والقيادة اللي آمنت إن مصر تستحق تكون في المكانة دي».
وتابعت: «كل التقدير والاحترام لفخامة الرئيس عبدالفتاح السيسي، اللي بيشتغل بكل إخلاص علشان يرفع اسم مصر، ويخلي كل مصري يحس بالفخر في كل خطوة وفي كل لحظة،‏ شكرًا لأنك رجّعت لمصر هيبتها، وجمالها، ومكانتها اللي تستحقها مستنية من كل قلبي لحظة افتتاح المتحف المصري الكبير،‏لحظة هنعيش فيها فخر جديد، ونشوف حضارتنا العظيمة وهي بتتجدد قدام عيون العالم كله،‏مصرية وأفتخر».
View this post on Instagram
A post shared by Mai Omar (@maiomar_)
اقرأ ايضًا:
مي عمر «الست موناليزا» في رمضان 2026 وتعلق: «يعرض على بيتي»