نظرة مروان إلى مروان البرغوثى

صالح الغازى
شوفتك فى الفيديو
ثابت ورزين
يظهر فيما يبدو
هو اللى سجين.
(بنغفى) إبليس
والوعى يخُضه
فى رسايلُه خبيث
لكن ما يطولشى
يمس يقين.
بس ما يمنعشى
من إنى حزين
أنا ما عرفتكشى.
شايب بزيادة
جسمك ضعفان.
فى الأسر سنين
نضال إنسان
وطنُه فلسطين
وف غزه أنين
لاجئ لا مكان
ولا بيت وحنين
وباقول: مروان
مين قال مانديلا
مدد يا جيفارا
وف عينك نَظره
بتْقَوى الأسرى
وتخلى حيارى
الشتات راجعين
ع لعدا بالحسرة
للبيت عائدين.
سبحان من أَسرى
ده أمل ويقين.
البُشرى نصرك
والقُدس حره
ويتفك أسرك.
وتعود اليسرى..