وفاة والده ورحيل طليقته.. محطات مؤثرة في حياة أحمد السعدني

كشف الفنان أحمد صلاح السعدني عن محطات فارقة في حياته تركت أثرا عميقا بداخله منها لحظة وفاة والده الفنان صلاح السعدني وكواليس علمه بالخبر والتي يعتبرها أسوء لحظات حياته وأيضا رحيل طليقته وأم أبنائه.
وأوضح السعدني كواليس وفاة والده خلال لقائه في برنامج «ABtalks» قائلا: «كنت معاه في البيت وكنت نايم .. وأنا لما بنام بقفل على نفسي بالمفتاح وفجأة كان في ترزيع على الباب برة فأنا قايم من النوم خلاص في مصيبة» مضيفا: «أغبى حاجة في الدنيا لما حد يصحيك ويقولك خبر وفاة.. ده أسوأ حاجة في الدنيا».
اقرأ أيضا: تطورات الحالة الصحية للفنان سامح حسين
رحيل طليقته
كما تأثر الفنان أحمد السعدني خلال حديثه عن رحيل طليقته وأم أولاده أمل سليمان بشكل مفاجئ في عمر ال 35 عام وأعتبر لحظة وفاتها أزادت من عمره 15 سنة قائلا: «في الوقت دا كان معايا الولاد واللطشة اللي حصلت فجأة دي كانت صعبة».
وتابع: « حسيت بحزن كبير جدًا بس مكنتش أعرف إن في أنواع مختلفة من الحزن.. وربنا ما يوريها لحد.. حسيت في لحظة إني كبرت 10 و15 سنة وكان في إحساس بالندم وتأنيب الضمير لكني تغلبت عليه وعرفت أحلل الموضوع بعد الصدمة».
وأشار السعدني إلى انه تزوج في سن صغير موجها نصيحة بعدم الزواج في عمر صغير قائلا: «أنا اتجوزت صغير أوي 25 سنة منصحش حد يتجور صغير كده أو مياخدش الخطوة دي غير وهو عنده خبرات وده بيجي من الحياة والاحتكاك والشغل والنجاح والفشل».
وأضاف:«أنا لما اتجوزت مكنتش بشتغل كنت لسه باخد مصروف .. عيل .. بعتبر نفسي كنت عيل صغير فأي أخطاء حصلت بالضرورة مكنتش مقصودة وناتجة عن إن أنا وهي معندناش خبرة» وأختتم حديثه قائلا: «لما بحلل المواقف دي بتيجي عليا لحظات وأقول ياه لو انتي موجودة دلوقت الوضع كان اختلف تماما».
وأختتم حديثه قائلا: «استيعاب الموضوع ده أخد مني فترة ويوم وفاتها ده كان صعب جدا».
آخر أعمال أحمد السعدني
يذكر أن الفنان أحمد السعدني كان قد شارك في منافسات دراما رمضان الماضي بمسلسل «لام شمسية» من بطولة أمينة خليل ومحمد شاهين ومن تأليف مريم نعوم وإخراج كريم الشناوي.