عمرو أديب يوجه رسالة مؤثرة ل أنغام.. «هفضل جنبك»

شارك الإعلامي عمرو أديب، مع جمهوره ومتابعيه، بمنشور لأحدث ظهور له، عبر صفحته الرسمية على موقع التواصل الاجتماعي «أكس X».
وقام عمرو أديب بتوجيه رسالة مؤثرة للفنانة أنغام بعد أزمتها الصحية، وكتب قائلًا: "أنا بحبك يا أنغام جايز معرفتش أعبر عن ده سنين طويلة بس أنا بحبك فعلا وبحترم كل حاجة عملتيها وقدمتيها، عارفه بقيت بسمع كلمات الأغاني كلمة كلمة وجت لحظه كنت خايف عليكى جدا".
وتابع: "اختي وحبيبتي وصاحبتي، النهارده ندمان إنى معبرتش كتير، بس في رحلتنا سوا لازم تعرفي أني موجود جنبك وبحبك".
وكانت أنغام حرصت على توجيه رسالة صوتية إلى جمهورها عبر صفحته الرسمية على موقع التواصل الاجتماعي «فيسبوك»، بعد أزمتها الصحية.
وقالت أنغام: "أنا فكرت أكتب ولا أتكلم معاكم بصوتي وأقولكم شكرًا لكل واحد وقف جنبي ودعالي حتى لو مش بيحبني، أنتم دعيتوا وربنا استجاب، ودعاكم كان هو الدواء، وهو اللي خلاني أقف على رجلي بعد ربنا".
وتابعت: "مش عارفة ما أبكيش من فرحتي وامتناني لله وليكم انتوا كمان دعيته لأم اتمنت من ربنا انها تكمل شوية حياه مع أولادها وتفرح بيهم وترجع تعيش وسطهم تانى أنا كان كل خوفي أسيب ولادي مش عايزة حاجه من الدنيا غير بس بدعي ربنا أرجعلهم نفسي اكمل معاهم شوية".