أحمد فهمي عن فكرة الزواج مجددا: بدور على شريك يكمل معايا

كشف الفنان أحمد فهمي عن موقفه من الزواج مرة أخرى، بعد تجربة ثلاث زيجات سابقة لم تُكلل بالنجاح، وأوضح فهمي رأيه بصراحة خلال لقائه في برنامج "ET بالعربي"، متحدثًا عن نظرته الحالية للارتباط وإمكانية تكرار التجربة.
قال أحمد فهمي: "في الأمور اللي زي دي أي حد هيرد بأه أو لأ هيبقى كذاب في الآخر كلنا بندور دايما على الاستقرار وبندور أنك تلاقي شريكك الحقيقي اللي يعرف يكمل معاك، هي كلها محاولات إن شاء الله تظبط في مرة، أتمنى".
وعن علاقته بمواقع التواصل الاجتماعي و السوشيال ميديا، قال: "زمان أول ما دخلت على السوشيال ميديا كان يوم زفت كنت برد ومش فاهم وحد يكتب حاجة أدخل اشتم وأقول اللي أنا عايزه، وبعدين لقيت الموضوع مش بيخلص دلوقتي بقيت شاري دماغي قول اللي أنت عايزة في الآخر أنا بعمل شغلي وحياتي الشخصية دي بتاعتي، أي حوارات شخصية لو طرحتها على السوشيال ميديا وبدأت تتكلم هتبقى أنت مش نجم ومعندكش ثقة في نفسك وبتدور على التريند من خلال شخص تاني غيرك".
اقرأ أيضا| محمد فؤاد: «قالوا إني مت تاني يوم فرح بنتي»
أخر أعمال أحمد فهمي
يذكر أن، شارك الفنان أحمد فهمي مؤخرا في فليمة الجديد الذي يحمل اسم "أحمد وأحمد"، التي تدور قصته حول «أحمد» الذي يقرر العودة إلى مصر للاستقرار بعد سنوات من الغربة، ولكن تتعطل خطته فجأة بعد إصابة عمه أحمد في حادث غامض يؤدي إلى فقدانه الذاكرة، لتبدأ رحلة مليئة بالغموض والمفاجآت، ويكتشف أحمد أن عمه يمتلك أكثر من شخصية حيث يقرران مواجهة مصير كل شخصية يقابلها منها تاجر السلاح ومنها المافيا ومنها المدرس الطيب.
أبطال وصناع فيلم "أحمد وأحمد"
الفيلم بطولة أحمد السقا، وأحمد فهمي، وجيهان الشماشرجي، وطارق لطفي، وغادة عبدالرازق، وعلي صبحي، ومحمد لطفي، رشدي الشامي، والعمل من فكرة وسيناريو وحوار أحمد درويش ومحمد عبدالله، وإخراج أحمد نادر جلال.