أحمد الجندي: الأزمة بين بيومي وسلام كانت بسيطة.. ولكن

استضاف برنامج "إنرجي بلس" المخرج أحمد الجندي، حيث تطرق خلال اللقاء إلى الحديث عن الخلاف الذي نشب بين الفنانين بيومي فؤاد ومحمد سلام، وكشف الجندي عن رؤيته للموقف، موضحًا أنه حرص على تهدئة الأجواء ومنع تفاقم الأزمة أثناء تصوير الجزء الأخير من مسلسل "الكبير".
قال أحمد الجندي: "أنا الموضوع اللي فارق معايا العلاقة الشخصية، في الشغل مش فارقة، إن شالله ما اشتغلنا، أنا بحط رأيي، وكل ما قربت درجة الصداقة كل ما زادت درجة الصراحة، الاتنين قريبين جدا عائليا وإحنا عشرة على مستوى الشغل من "طير أنت"، و"الكبير"، الفرق بينهما سنة، ونجحنا مع بعض، الموضوع كان ممكن يخلص أبسط من كده بكتير لكن اللي حصل حواليه كبير جدا، وولع الدنيا وبوظ حاجات كتير وناس كتير دخلت تخدم على الجانبين، فالدنيا تاهت".
اقرأ أيضا| بطرس دانيال: مصر مليئة بالمواهب.. والمركز الكاثوليكي يدعم الفن الراقي| خاص
وتابع: "وقت تصوير "الكبير أوي" فصلنا المشاهد، كانت مرحلة كلها كانت تخبط، والاتنين منتهى الطيبة، وماقبل الموضوع دا كانوا أقرب 2، قبل الموضوع أنا لما كان بيبقى عندي مشكلة مع سلام في حاجة، كنت بروح لبيومي وأقول له عقله، سلام عصبي وساعات بيبقى مندفع وسريع الغضب وسريع الاعتذار، وبيومي عاطف السكر".
وأستكمل حديثه قائلا: "حاولنا نضبط الموضوع لكن محصلش بسبب الحاجات اللي حواليه سواء سوشيال ميديا أو بني آدمين أو قرارات، الموضوع كبر".