لقاء سويدان: «وداد» في حرب الجبالي من الأدوار اللي ماتتسبش| خاص

كشفت الفنانة لقاء سويدان عن سبب حماسها لشخصية «وداد» التي قدمتها خلال أحداث مسلسل «حرب الجبالي» مؤكدة أن الدور من الأعمال التي لا يمكن رفضها.
وأوضحت في تصريح خاص ل «بوابة أخبار اليوم» قائلة: «الدور حلو قوي وجاي بعد دور أنا كنت عملاه برضو مع نفس صناع العمل المؤلفة سماح الحريري والمخرج محمد أسامة ونفس الشركة الانتاج وكنت عاملة معاهم دور ست غلبانة قوي وفقيرة بمسلسل «أيام» والحمد لله انه ده لقى نجاح برضو كبير».
وتابعت: «فإن يجي وراه بالشكل ده الست الشعبية اللي بتصدق في الاعمال وحربوقة فالدورعجبني قوي وعجبني اكتر إن الكابل اللي معايا الاستاذ رياض الخولي وأحمد خالد صالح وأستاذة سوسن بدر وعم صلاح عبد الله وأستاذة فردوس وأحمد رزق كل دول حبايبي ووجودي في وسطهم ده حاجة مهمة بالنسبة ليا» وأختتمت قائلة: «في ادوار كده ماتتسبش».
إقرأ ايضا: لقاء سويدان تكشف حقيقة ارتباطها| خاص
وكانت الفنانة لقاء سويدان قد عبرت عن سعادتها بنجاح مسلسل «حرب الجبالي» قائلة في تصريح خاص ل«بوابة آخبار اليوم» : «أنا كنت متوقعة نجاح المسلسل بس بصراحة هو فاق توقعاتنا كلنا لأنه توفيق ربنا في المعاد ده بتبقى حاجة بتاعته إحنا بنشتغل ومش بنبقى عارفين المسلسل هينزل امتى بس كلنا كنا زعلانين قوي لأنه عاملين مجهود كبير فيه ومتعرضش»
وتابعت:« أنا كنت فقدت الأمل فوجئت بقى بالإعلانات اللي نازلة أنه هيتعرض فقلت يا بعد سنتين ونص بس توفيق ربنا أحسن حاجة»
أبطال «حرب الجبالي»
المسلسل من بطولة أحمد رزق وهبة مجدي ونسرين أمين وسوسن بدر ورياض الخولي وصلاح عبد الله وأحمد خالد صالح وأحمد عزمي وأحمد الرافعي وأشرف عبد الغفور من تأليف سماح الحريري وإخراج محمد أسامة.