أسما شريف منير: كنت على وشك إجراء عملية تجميل بسبب التنمر

كشفت أسما شريف منير ابنة الفنان شريف منير عن معاناتها مع التنمر مشيرة إلى أنها كانت على وشك إجراء عملية تجميلية لإنهاء هذه المعاناة.
ونشرت صورة لها عبر صفحتها الشخصية على انستجرام وعلقت قائلة :«أيوة.. مناخيري كبيرة.. وبحبها!.. كل يوم المجتمع والتطور حوالينا بيخلينا نشك في نفسنا ونفكر نعدل ونتغير علشان نرضي الناس ونسمع منهم "كده أحلى"».
وتابعت قائلة :«بس بيني وبينكم؟.. أنا كنت على وشك أعمل العملية.. بس كل مرة كنت بقول لنفسي: "اجمدي انتي ربنا خلقك في أحسن تقويم» مضيفة: «البوست ده مش مجرد بوست .. ده صوتي.. وأنا بزقه يطلع أعلى من الشك».
واستكملت قائلة: «ده تحدي بيني وبين كل ضغط خلاني أحس إني مش كفاية.. أنا حلوة كده.. ويمكن حد يشوف الكلام ده ويلهمه يحب نفسه زي ما هو.. زي ما ربنا خلقه.. من غير تعديل ولا تبرير».
View this post on Instagram
A post shared by Asma cherif moneer - اسما شريف منير (@asma.sherif.moneer)
إقرأ ايضا: سلوى عثمان: «العطار والسبع بنات» نقطة سودا.. ومكنش ينفع اعمله
ارتباط اسما شريف منير
وكانت أسما شريف منير قد أعلنت في وقت سابق خبر ارتباطها من مدرب الرقص المعاصر أحمد رمزي وذلك بعد 4 سنوات عن طلاقها من الفنان محمود حجازي ونشرت أسما عبر صفحتها الشخصية على انستجرام صورة تجمعها به وعلقت قائلة :« عوض ربنا ليا.. حبيبي.. أطيب وأحن راجل في الدنيا بعد أبويا طبعا».