عمرو محمود ياسين يهاجم إدارة الزمالك ويطالب بالتغيير

كشف السيناريست عمرو محمود ياسين عن استيائه الشديد من الأوضاع الحالية داخل نادي الزمالك، عبر حسابة الرسمي بموقع التواصل الاجتماعي "فيس بوك".
وهاجم السيناريست عمرو محمود ياسين مجلس إدارة نادي الزمالك، قائلا: "يا جماعة، صدقوني وبإخلاص شديد بقولها، نادي الزمالك محتاج إدارة تانية خالص، اللي بتعمله إدارة النادي في جمهوره صعب جدا، ومحدش ييجي يقولي مالكش دعوة وخليك في نفسك، لأني بعتبر نادي الزمالك جزء من تكويني كمواطن مصري".
وتابع عمرو محمود ياسين: " أنا دايما بيهمني أشوف الزمالك قوي. مش من الجمهور اللي بيفرح بانحدار مستوى الفريق أو بفشله، بالعكس، كل ما ارتفع مستوى الزمالك، ارتفع مستوى الأهلي، وارتفع مستوى كرة القدم في مصر ".
عمرو محمود ياسين يسلط الضوء علي أزمة أحمد سيد زيزو
وسلط عمرو محمود ياسين الضوء على أزمة لاعب الزمالك أحمد سيد زيزو،قائلا إن إدارة النادي أخطأت في التعامل مع ملفه منذ البداية، حيث رفضت عروض احتراف كانت متاحة له طمعا في التجديد، ثم فشلت في ذلك لاحقا، وانتهى الأمر باستبعاده من خطط الفريق رغم تبقي فترة في عقده.
وأضاف عمرو محمود ياسين : " كل اللي حصل في ملف زيزو غلط في غلط، من أول فشلهم في بيعه، لحد فشلهم في التجديد له، وانتهاء باستبعاده من الفريق ".
وتطرق ياسين إلى الصورة المتداولة التي ظهر فيها مشجعون وهم يدوسون على صورة زيزو ملقاة على الأرض، قائلا: " المنظر كان ساذج وعبثي.. الناس كانت بتتعامل مع الصورة كأنها لطاغية ديكتاتور، كأنهم أسقطوا شاوشيسكو! بجد، حرام اللي بيحصل في نادي عظيم وعريق زي الزمالك".
وفي رد مباشر على بعض الجماهير التي تلوم الأهلي أو رئيسه محمود الخطيب على وضع الزمالك، قال: وما تقوليش روح قول للخطيب أو إن الأهلي هو اللي بيوقعنا، طيب حضرتك فين؟ لو الكلام ده صحيح، فين موقفك كإدارة وكقيادات في نادي الزمالك ؟