تجربة الإجهاض تعبتني نفسيا.. أبرز تصريحات رنا سماحة

تصدرت المطربة رنا سماحة ترند مواقع التواصل الاجتماعي والبحث علي جوجل بعد تصريحاتها عن تفاصيل عن حياتها الشخصية وطلاقها من الملحن سامر أبو طالب.
اقرأأ يضا|رنا سماحة: «مبندمش على أي حاجة في حياتي»
وتستعرض "بوابة أخبار اليوم" أبرز تصريحات رنا سماحة
- إنفصالها عن زوجها الملحن سامر أبوطالب لأول مرة، بعد زواج استمر 5 سنوات، ورفعها قضية خلع مؤخرًا.
-«انفصلنا لما كنت حامل ورجعنا حطينا شروط عشان مكناش حاطين لحياتنا شروط قبل كده، كل واحد فينا مختلف وكان عايش بطريقة مختلفة ومش عايز الطرف التاني يأثر أو يسيطر عليه أو يغير فيه حاجة لما حطينا الشروط عشان نكمل ده محصلش».
- كنت حاسه اني لوحدي وبشيل مسؤولية نفسي، أحيانًا كان بيساعدني، أنا وسامر اتجوزنا بسرعة رهيبة مكنش في بينا قصة حب كبيرة، مهما كان صاحبي قفلة البيت حاجة تاني على الشخصين.
- تاني مرة قررت مش هرجع والحياة وقفت هنا مش هكمل يوم واحد تاني مكنش راضي يطلقني كان عنده نفس إحساسي إنه عايز يطلق ومحاولش يتمسك بيا.
- سبب رفعها قضية خلع على طليقها: «معرفش ليه مكنش ليه عايز يطلق وديًا- جايز مكنش عايز يديني حقوقي، قعدت شهور في بيت اهلي مبيصرفش عليا ولا على ابنه، وبشتغل وربنا يكرمني وطول عمري شخصية مسؤولة- أنا تنازلت عن كل اللي يخصني ك رنا لكن ابني لأ».
-علاقتها بأهل طليقها قائلة: «أهله محدش يعرف عني حاجة من بعد الانفصال- كانوا بيشوفوا حفيدهم لما بقوله تعالى خد مالك، رفع قضية رؤية وهو بيشوف الولد وهو قاعد عنده في البيت، معرفش مين مصلحته يعمل كده لكن بيقووه، على الغلط، ولو حاول يرجع مستحيل أرجعله».
- مواصفات فتى أحلامها "هقول زي ما كنت بقول قبل جوازي عايزة حد أرجل مني مش لمجرد المسؤولية، وفكرة إنه يصرف على زوجته مع أن ده من حقوقي كامرأة تصرف عليّ، ودي ظاهرة طالعة أن الرجالة مش عايزه تصرف على ستاتهم، المفروض متكنش محتاجة تصرف عليها أنت تعرف ده لوحدك".
_عن فترة عملها كمذيعة والظلم التي تعرضت له، قالت: "حسيت بالصدمة لما كنت بشتغل في مكان من الأماكن اللي قعدت فيها فترة طويلة... فحصل حاجة جوه ومشيت بطريقة مستحقهاش، وزميلي كمّل لأن مكنش عنده خلافات لكن أنا كان عندي، والناس اللي بتستغرب إني إزاي مذيعة وأنا مطربة، هو في حد يشتغل مذيعة لمدة عشر سنين زيي؟".
- مبندمش على أي حاجة في حياتي، حتى لو اتوجعت فيها، كل حاجة عشتها استفدت بيها، ولما أجهضت قبل كده ده رزق ونصيب وتجربة مؤلمة جداً نفسياً وجسدياً، ده رزق زيه زي أي حاجة في حياتي.