رسالة نارية من إبراهيم سعيد ل «شيكابالا»: اعتزل واحترم تاريخك

وجه إبراهيم سعيد، نجم نادي الزمالك السابق، رسالة شديدة اللهجة إلى محمود عبدالرازق شيكابالا، نجم وقائد نادي الزمالك، مطالبه بضرورة الاعتزال.
وقال نجم نادي الزمالك السابق، خلال تصريحات تليفزيونية عبر شاشة «النهار»: «في ناس داخل مجلس إدارة الزمالك مش حابه إن شيكابالا يبقى موجود، ممكن تستفاد بلاعب عنده الإمكانيات وأصغر من حيث السن ويضيف للنادي».
وأضاف إبراهيم سعيد، شيكابالا كان لاعب مميز جدًا، ولكن مفيش حد بياخد زمنه وزمن غيره، بيجيلك وقت إمكانياتك مش بتبقى زي مكنت وأنت في سن العشرينات.
وأكمل: الزمالك لو شايفه مفيد، ممكن تخليه في الجهاز الفني أو مدير الكرة، أما كدة موجود على حساب لاعب تاني بيحاول يجتهد وبعد ده كله مش بيلعب.
وواصل سعيد، في ناس في مجلس الإدارة طالبته أنه يبتعد عن المشهد ويعتزل، حتى مستر جوميز نفسه بيحاول ينزل بمعدل الأعمار، ماعدا عبدالله السعيد اللي بيتحرك كويس ولاعب مميز.
وتابع إبراهيم سعيد، أنا بقول ل شيكابالا كفاية واعتزل، هيجيلك وقت والناس هتقولك بطل، قولت كدا ل أحمد فتحي والراجل احترم تاريخه وبعد عن المشهد فاعمل كدة أنت كمان».
وأتم إبراهيم سعيد تصريحاته قائلًا: «لو شيكابالا بيحب نادي الزمالك، ابعد عن المشهد وسلم الراية ل لاعب صغير يفيد نادي الزمالك، وده بالمناسبة مش عيب».