«اعتزل واحترم تاريخك».. رسالة نارية من إبراهيم سعيد ل شيكابالا

وجه إبراهيم سعيد، نجم نادي الزمالك السابق، رسالة شديدة اللهجة إلى محمود عبدالرازق شيكابالا نجم وقائد نادي الزمالك، مطالبه بضرورة الاعتزال.
وقال سعيد في تصريحات تليفزيونية عبر شاشة «النهار»: «في ناس داخل مجلس إدارة الزمالك مش حابه إن شيكابالا يبقى موجود، ممكن تستفاد بلاعب عنده الإمكانيات وأصغر من حيث السن ويضيف للنادي».
وأضاف: «شيكابالا كان لاعب مميز جدًا، ولكن مفيش حد بياخد زمنه وزمن غيره، بيجيلك وقت إمكانياتك مش بتبقى زي مكنت وأنت في سن العشرينات».
وأكمل نجم الأهلي السابق: «الزمالك لو شايفه مفيد، ممكن تخليه في الجهاز الفني أو مدير الكرة، أما كدة موجود على حساب لاعب تاني بيحاول يجتهد وبعد ده كله مش بيلعب».
وواصل: «في ناس في مجلس الإدارة طالبته أنه يبتعد عن المشهد ويعتزل، حتى مستر جوميز نفسه بيحاول ينزل بمعدل الأعمار، ماعدا عبدالله السعيد اللي بيتحرك كويس ولاعب مميز».
وزاد: «أنا بقول ل شيكابالا كفاية واعتزل، هيجيلك وقت والناس هتقولك بطل، قولت كدا ل أحمد فتحي والراجل احترم تاريخه وبعد عن المشهد فاعمل كدة أنت كمان».
وأتم إبراهيم سعيد تصريحاته قائلًا: «لو شيكابالا بيحب نادي الزمالك، ابعد عن المشهد وسلم الراية ل لاعب صغير يفيد نادي الزمالك، وده بالمناسبة مش عيب».