حسام حبيب يوجه رسالة لتامر عاشور

وجه الفنان حسام حبيب رسالة اعتذار للنجم تامر عاشور بعد الخلاف الذي نشب بينهما مؤخرا بسبب شيرين عبد الوهاب ، عبر خاصية الاستوري بحسابة الرسمي بموقع الصور والفيديو "إنستجرام".
ونشر حسام حبيب رسالة اعتذار للفنان تامر عاشور علي خلفية تعليقة علي أزمته مع شيرين عبدالوهاب، قائلا: "على فكرة يا جماعة أنا كنت بهزر هو فنان محترم وله جمهور كبير، وبيقدم فن راقي وأنا بعتذرله لو كان الهزار تقيل أنا بس كنت بنكشه لأنه تقلها عليا شويتين".
وتايع حسام حبيب :" بس هو زميل محترم وبيقدم فن محترم أنا بحب اللي هو بيقدمه وهو أجتهد ولكل مجتهد نصيب معلش حقك عليا يا نجم".
التفاصيل الكاملة لأزمة تامر عاشور وحسام حبيب
بدأت الأزمة، عندما علق المطرب تامر عاشور عبر حسابه الشخصي على موقع التغريدات الشهير " إكس" على الأزمة الأخيرة للفنانة شيرين عبد الوهاب، بعد انتشار تسريب صوتي للفنان حسام حبيب يتحدث خلاله عن معاناة شيرين من استغلال أهلها.
وكتب تامر عاشور عبر حسابة الرسمي ، قائلا: " كل اللي أقدر أقوله في موضوع شيرين عبد الوهاب إن مفيش كلمة واحدة بس من اللي اتقالت وانتشرت صح، أنا قريب من أهل شيرين ووالدتها وأخوها.. أنا برضه أقول لها إننى بحبها وكل الدنيا بتحبها وتحب فنها" .
وأضاف: " أهل شيرين مظهروش في حياتها آخر سنتين تلاتة أهل شيرين هم أهل شيرين من زمان كل نجاحات شيرين كانت وسط أهلها وناسها اللي يشيلوها من ع الأرض شيل.. يا رب يبعد عنها كل خبيث وأناني وفاشل وممثل" .
وتابع: " هي أطيب منهم كلهم وهم اللي وقعوها فكل مشاكلها انت بمن حولك لو اللي حواليك فشله غصب عنك لازم تبقى زيهم وتعافر علشان تقدر تمارس اللي كنت بتعمله في عدم وجودهم بمنتهى السهولة" .
واختتم المطرب تامر عاشور قائلا: "أنا أكلت عيش وملح في بيتها وفي بيت أمها وأخوها وكان لازم أقول الكلام ده علشان الكلام ده هو الكلام الحقيقي، ولا كلمة من اللي اتقالت واتسمعت لها أساس من الصحة..أهل شيرين هم هم أهل شيرين من زمان قوي.. بالعقل".