كان في واحدة عاوزة تخطف جوزي.. أبرز تصريحات بدرية طلبة

قالت الفنانة بدرية طلبة، خلال حوارها مع الإعلامية شريهان أبو الحسن عبر برنامجها «حد النجوم» المذاع على قناة «أون» كان في واحدة عاوزة تخطف زوجي وروحتلها وقُلت لها لا، هىّ كانت عاوزاه يقعد في الإمارات علشان يعمل لها حاجة لمصلحتها، قولتلها لا أنزليلي، أخدت التليفون لاقيت كلام أخدت الرقم وكلمتها قولتلها أجيلك وأقعد معاكي، وفعلا روحتلها، قولت لها إنتي فاهمة غلط أنا لو مش موهبة مش هنجح.
كما أضافت بدرية طلبة :" إن أحلى فترة في عمري كنت مريضة فيها، فترة الشباب، أنا لحد 17 سنة كان وزني تمام وجسمي تماما وشكلي مقبول، لكن وأنا عمري 19 سنة أصبت بمرض الغدة الخبيثة وقعدت 10 سنين ظل المرض لحد لما أكل جسمي وخلى جسمي 45 كيلو، فكنت بمر بأزمة نفسية صعبة بسبب التنمر على المسرح"، مضيفة: «قعدت لحد ما كان عمري 28 سنة بادور علشان أعرف المرض اللي عندي إيه، لحد لما اكتشفت إني عندي الغدة الخبيثة».
وعن بدايتها في التمثيل قالت "كانت وأنا طالبة في إعدادي، وقتها شاركت في مسرحية عن انتصارات حرب أكتوبر 1973، وقالولي انتي هتمثلي دور واحدة ميتة وعملت الدور"، وأضافت: «حد من التوجيه المسرحي قال لي أنتِ هتبقى ممثلة هايلة، رغم إني كنت بعمل دور واحدة ميتة، وبعد الإعدادي التحلق بمدرسة المعلمات ولقيتهم من أول سنة جايبين لنا مخرج مسرحي».
وتابعت بدرية طلبة: «في المدرسة عملت مسرحيات باللغة العربية الفصحى دلوقتي مبعرفش أتكلم فصحى من كتر ما بعوج لساني علشان أعمل الشخصيات».
وأضافت، "أنها تركت العمل في التمثيل من أجل برنامج مع حسين الإمام، وحاورت مريم فخر الدين وسعاد نصر، ويونس شلبي وصلاح عبد الله".
اقرأ أيضا|«طولي أخرني كتير في شغلي».. أبرز تصريحات أحمد وفيق