مصطفى شوبير مدافعا عن والده في واقعة أحمد رفعت: التريند عمى الناس

دافع مصطفى شوبير حارس مرمى النادي الأهلي، عن والده أحمد شوبير، بعد الاتهامات التي تعرض لها بعد وفاة أحمد رفعت لاعب مودرن سبورت، الذي توفي فجر أمس السبت.
وكتب مصطفي عبر صفحته الشخصية على موقع التواصل الاجتماعي فيس بوك: اتهامات اتهامات و خوض في ذمم بدون علم ولا أي دليل انتو مفرقتوش عن اللي ظلموا رفعت في حاجه و دلوقتي بتتهمه ناس ظلم بانهم السبب في اذي شخص بدون اي دليل حتي دي عايزينها أهلي و زمالك و تريند.
وتابع مصطفي: اخو اللاعب طلع و قال اساله فلان و ذکر اسم شخص و وكيله كان قاعد و حصلت مواجهه بينه و بين الشخص اللي تم ذكر إسمه فين بقي اسم أحمد شوبير في جمله مفيده؟ متابعا ولا اخو رفعت ولا وكيله ولا المحامي بتاعه قال حاجه أو ذكر إسمه حتي زي ما المفبركين بيكتبه.. وأوضح شوبير. أن التريند عمي الناس والاتهامات الباطله واي حد بيكتب اي حاجه والناس للاسف بتصدقها و خلاص.
اقرأ أيضًا: فيديو| شيكابالا يحضر عزاء أحمد رفعت
واستكمل : ياريت الناس اللي بتكتب ده درس لينا تبدأ بنفسها الأول و متظلمش حد تاني بتهامات باطله بدون أي دليل لأن كده أنت أول وأحد متعلمش من الحصل وبتعيد الظلم بس بطريقه تانيه .
واختتم مصطفى: استقيموا يرحمكم الله و سيبكم من التريند كلنا لله. راجعون.. اخيرا ربنا يرحمك يا رفعت أكيد انت في مكان أحسن لا تنسوه من صالح دعائكم.