نجوم الفن يروون ذكرياتهم مع عيد الفطر | فيديو

شارك عددًا من نجوم الفن، في الفيلم التسجيلي الذي عرض ب احتفالية عيد الفطر المبارك، الذي أقيم في منطقة العاصمة الإدارية، بحضور الرئيس عبد الفتاح السيسي مع أسر وأبناء الشهداء.
وروى عدد من الفنانين المشاركين أبرز ذكرياتهم في عيد الفطر خلال حياتهم السابقة، عندما كانوا بسن أصغر، حيث قال الفنان أحمد أمين: "كنا بننقش الكحك ونسرق كام كحكة من على الصينية، ويا سلام لو تطلع محشية.. بيجامة جديدة وكحكة محشية".
وقال الفنان أحمد حلمي، متحدثا عن ذكرياته مع العيدية: كنت بقف في طابور العيدية زمان، ويا سلام لو ننصب ونعيد الطابور من الأول عشان تاخد كذا مرة، بس على طول كان نفسي العيدية تبقى في ال 3 أيام العيد، كانت هتفرق أوي في مستقبلنا دلوقتي.
وتحدثت الفنانة منى زكي عن ذكرياتها في العيد، قائلة: "لبس جديد ده كان لازم إحنا كبنات أعتقد دي حاجة أساسية وكنت بنبهر لما أشوف العيال بتلف بالمرجيحة لفة كاملة".
واستكملت: "ستات العيلة والعمارة كانوا بيتجمعوا وينقشوا الكحك والصواني رايحة جاية على الفرن وجدتي كانت بتعمل كحك في البيت وكان أحلى كحك ومن ساعنها مدوقتش أحلى من كحكها.. والعيد بالنسبالي أول كوباية شاي بلبن مع البسكويت»، مختتمة: «أولاد الشهداء أمانة في رقبتنا طول ما إحنا عايشين.. كل سنة ومصر طيبة".
أما الفنانة صابرين، أشارت إلى أن والدتها كانت تأخذ منها العيدية، وقال الفنان هشام ماجد: كنا بنعمل كحك وبنتجمع عند جدتي بعد صلاة العيد.
قال الفنان أكرم حسني: "بيبقى معروف إن ده لبس عيد مش لبس عادي وعمري ما سلمت العجلة في الميعاد بتاعها.. وإحساس لما تسقي البسكويت النشادر في الشاي له طعم وريحة مختلفة.. العيد بالنسبة لي صفاء أبو السعود واهلًا بالعيد.. كل سنة وإنتم طيبين".
وقالت الفنانة نيللي كريم عن ذكريات العيد: "العجلة أم كنبة ورا ولعب الكرة في الشارع والعيدية والفلوس الجديدة اللي ريحتها زي العربية الفبريكة»، مضيفة: «مصر هتفضل فاكرة كل أسامي أولادها الشهداء.. كل سنة وإنتم طيبين»".
واختتم الفيديو التسجيلي برسالة من الفنان محمد رمضان قائلًا: "وإحنا بنحتفل بالعيد النهاردة مش عايزين ننسى اللي بسببهم إحنا النهاردة بنعيد ومبسوطين ومتجمعين.. اللي ضحوا بروحهم فدانا وفدى أرضهم.. كل سنة وإنتوا في الجنة ونعيمها.. عيد سعيد وكل سنة ومصر طيبة".