تامر أمين يفتح النيران على بيومي فؤاد: «ذكر الفلوس جابلك الكلام»

هاجم الإعلامي تامر أمين الفنان بيومي فؤاد بسبب تصريحه المثير للجدل بعد عرض مسرحية "زواج اصطناعي" في موسم الرياض، وجاءت انتقاداته لطريقة انسحاب الفنان محمد سلام من المسرحية تضامناً مع الشعب الفلسطيني، حيث وجه له رسالة عتاب أثناء تقديمه برنامج "آخر النهار" على قناة النهار.
اقرأ أيضا|ماجدة خير الله ل «بيومي فؤاد»: "فين الفن المحترم اللي أنت بتقدمه.. وأنت بترقص بطنك"
وقال تامر أمين: "اللي إنت عملته يا بيومي إنك تصدرت المشهد طواعية بدون مبرر، وخليت الناس تستفز منك بدون مبرر ومجانًا".
وأضاف: "لو عايز تدافع عن نفسك والمجموعة اللي سافرت واشتغلت، ومحمد أنور اللي أنقذ الموقف بدل محمد سلام، كنت تطلع تقول يا جماعة ده شغلنا وإحنا ملتزمين تجاه شغلنا، وهذا لا يمنع أبدا تضامننا وتعاطفنا ودعمنا الكامل للقضية الفلسطينية والشعب الفلسطيني الشقيق، الذي يتعرض للإبادة الجماعية والسفك والقتل كل يوم".
وتابع: "أنا سمعت فيديو اعتذار محمد سلام مرات وليس فيه أي إهانة لفنه، ورقم اثنين إيه دخل حب أو كره السعودية في القصة؟ وإن لك الشرف تتصور مع مواطن سعودي، النجوم والفنانين كل الناس لها الشرف تتصور معاهم".
وأكمل: "ثالثا إيه دخل الفلوس في الموضوع؟ ذكر الفلوس هو اللي جاب لك الكلام يا بيومي، وإنت غير موفق في هذه النقطة، كلنا بنشتغل علشان الفلوس، ونحب شغلنا ومهنتنا لكن مش مجانا".
وأشار تامر أمين إلى الجدل حول توقيت عرض المسرحية الكوميدية الآن قائلًا: "إنت ابن بلد يا بيومي وأخلاق، لو أنا عامل فرح بنتي في الشارع، والعمارة جنبنا فيها ميت وحالة عزاء، هتعرف تعمل فرح بنتك وترقص وتغني للصبح؟ قلبك مش هيطاوعك، وإما هتأجل الفرح أو تلغيه، أو هتعمله من غير مزيكا".