على الهواء.. غادة عبد الرازق تعتذر لابنتها والأخيرة ترد: «أنا ما كنتش متمردة»

حلت الفنانة غادة عبد الرازق، ضيفة في برنامج "معكم" التي تقدمة الإعلامية منى الشاذلي عبر شاشة ON.
وبكت غادة عبد الرازق ، على الهواء مباشرة، وهي تعتذر لابنتها روتانا، قائلة: "أقول لبنتي روتانا أنا آسفة إني ما كنتش في البداية الأم المثالية اللي بهتم بيكِ، كنت مقصرة وغصب عني بس دي المفروض ما تبقاش حجة اهتميت بالشغل وأوفر لها حاجات اللبس والمكياج والمدرسة والمصاريف بس فيه حاجات أهم من كدا".
وتابعت حديثها قائلة: "روتانا عندها كبرياء فساعات قبل ما تخش تنام تقول لي أنا عايزة حضن كبير أوي وشيء لطيف منها إنها بتتفادى دا مع أولادها اللي همَّ أحفادي، كان نفسي أحضنها أكتر وهي صغيرة، روتانا بنتي جميلة ومحترمة وساعات بحسد نفسي عليها".
وعلقت روتانا ابنة غادة عبد الرازق، على اعتذار والدتها قائلة: "ليه بتعيطي، تقاربنا أنا وماما لما كبرت وسافرت الأردن ودرست طيران".
لترد عليها غادة عبد الرازق قائلة: "أنا كنت شديدة غصب عني من اللي اتربيت عليه من أمي وأبويا، روتانا برج العذراء بتخاف مني وعنيدة جدًّا وكنت أقول لها ما تاكليش كتير أصحابك رفيعين جدًّا، بس اللي أطلبه منها كانت تعمل عكسه، أقول لها ما تصبغيش شعرك تاني يوم ألاقيها صابغاه أحمر".
وتابعت ابنه غادة عبد الرازق حديثها قائلة: "أنا ما كنتش متمردة ولكن من باب العند كنت بعمل عكس اللي ماما تقول عليه، بس أنا وهي دلوقت بقينا أكتر من أصحاب وفيه تصالح ما بيننا ومفيش أي حاجة مضايقاني منها بسبب اللي قالته عن تقصيرها معايا فترة طفولتي".