محمود البزاوي: حميت نفسي وابني من علقة موت بسبب «ميكروباص فيصل» المخالف

تحدث الفنان محمود البزاوي عن أسلوب تعامله مع أولاده، موضحا، أنه لا ينتقد أولاده ولكن يُقدم لهم النصائح بشكل غير مباشر، من خلال موقف ما مروا به، مؤكدًا أن الأب الذي يدعي لأولاده بأنه يعلم كل شيء في الحياة، هو في الأساس أب جاهل لا يعلم شيء، وذلك خلال إستضافته في برنامج "In Deep في العمق" الذي يقدمة الإعلامي تامر شلتوت عبر قناته الشهيرة "يوتيوب".
وأضاف محمود البزاوي: "أنا اكتشفت حكاية إنك تكون عارف كل حاجة في الدنيا، أنك مش فاهم حاجة خالص، عمري مبنتقد أولادي ولا اقطمهم، لما بكون خايف على اكرم ابني فبيقولي يا بابا ليه بتعمل كده؟، بقوله في حق صغير بيني وبينك فاسمح لي بالحق ده، أني أسأل عليك وأشوفك هتتاخر ولا لأ وهكذا".
وفي نفس السياق تحدث البزاوي موقفًا له مع نجله، حاول من خلاله أن يقدم له نصيحة بشكل غير مباشر، فرغم أن نجله في هذا الوقت كان صغيرًا، إلا أنه أراد أن يعطيه حكمة من موقف مروا به، موضحًا: كنت لسه بتعلم السواقة، ومعايا ابني بجواري، وأنا في فيصل في ميكروباص جاي غلط فدخل في العربية، أكرم ابني أتخض، لأن نزل من العربية 4 رجال شكلهم كبير ويخض، وكانوا نازلين على خناقة، محبتش اتخانق قدام ابني، نزلت لهم لميت الموقف وهزرنا سوا.
وأستكمل حديثه: أكرم كان بيعيط، قلت له كان ممكن أنزل وأتخانق وأعمل فيها شجاع وأترن علقة، لكن حميت نفسي من العلقة عشانك، دايمًا بدي له نصائح من خلال الفعل، لو انضربت قدامه كان هيتكسر، بس وضحت لي أن اللي حصل دا لا يمنع أن أبوك ممكن يتضرب عادي.
اقرأ أيضا:استخباراتي أمريكي: الغرب يساعد القوات الأوكرانية على تنفيذ هجمات في العمق
واستكمل حديثه قائلا: "من وابني لسه بيمشي كنت بتكلم معاه في حياتي الشخصية، باخده من ايده وامشيه تاتا تاتا، لأن في المستقبل هو اللي هيمسكني ويسندني، لو مكنتش امين عليه هنا، مش هيكون أمين عليّ هناك، لكن لو قُلت له أنا أبوك وعارف كل حاجة، بقيت أب جاهل".