السيسي: الدولار له تأثير كبيرعلى الأسعار والدولة لازم تنجح بينا كلنا

رد الرئيس عبد الفتاح السيسي، على أزمة الوعاء الدولاري لمصر قائلًا: أنا دائمًا بسأل عن كفاية الوعاء الدولاري للطلب، النهاردة لو بجيب طن اللحوم بألفين دولار، لو الدولار يساوي 6 جنيه غير لما يساوي 20 و30 جنيه.
اقرأ أيضًا| السيسي: هنبني المساجد والكنائس بشكل صحيح ولائق
وتابع الرئيس عبد الفتاح السيسي، خلال كلمته بالمؤتمر الوطني للشباب في الإسكندرية: «لو عندي اكتفاء ذاتي مش هيفرق معايا، لكن الدولار اللي بسعره دا هيترتب عليه تضخم كبير، ولو بنجيب بترول ب6 جنيه غير ما أجيبه ب16 جنيه، وسعر الصرف ممكن يدخلنا أزمة فوق خيالنا، لأن الخدمات بتتسعر بالجنيه على قيمة الدولار».
وعلق الرئيس السيسي قائلا: «على سبيل المثال لو بجيب العلف داخل مصر مش هنتأثر بالدولار وعندنا مرونة سعر صرف، لكن لو الموضوع هيمس الأمن القومي والشعب المصري يضيع بسببه لا منقعدش في أماكننا، دا كيلو اللحمة النهاردة ب300 جنيه، كل دا بسبب الدولار، إحنا محتاجين حوالي 85-90 مليار دولار لتوفير طلباتنا».
واختتم الرئيس السيسي: «إحنا حلينا الأزمة لحد مابقيناش قادرين نحل، نزلنا نشتري الدولار من الأسواق 3 و4 مليار دولار ونحطهم في البنك المركزي، ونزود حجم الدين علينا، منقدرش نعمل أكثر من كدة، يا جماعة الدولة دي مش بتاعتي دي بتاعتنا كلنا، الدولة لازم تنجح بينا كلنا وأنا مبعرفش مكونش صريح، ومعرفش أقول كلام معنوي لطيف، مش بعرف أضحك على حد، ومش هنقدر نتقدم إلا بتحطيم الفجوة الدولارية.