حوار| أمير شاهين: «مستر اكس» بدايتي الكوميدية.. وهذا سر غيابي عن السينما

احتفل الفنان أمير شاهين، بولادة ابنته "مريم" ، وكشف لجمهوره عدد أولاده، وشعور شقيقته إلهام شاهين عند رؤية ابنته لأول مرة، وفي حواره مع "بوابة أخبار اليوم" تحدث عن دوره في فيلم " مستر إكس" وكواليس العمل مع أحمد فهمي وهنا الزاهد .
وجاء نص الحوار كالتالي:
في البداية حدثني عن دورك في فيلم مستر اكس؟
دوري في فيلم مستر إكس مفاجأة الفيلم ومختلف وأنا سعيد جدا بالمشاركة فيه.
كيف تم ترشيحك لفيلم " مستر إكس"؟
دوري في فيلم مستر إكس مفاجأة الفيلم ومختلف وانا سعيد جدا بالمشاركة فيه، وترشيحي للفيلم جاء عن طريق صديقة وحبيبي أحمد فهمي ومن أحمد السبكي.
كواليس العمل مع هنا واحمد فهمي؟
الكواليس جميلة والناس كلها في اللوكيشن حابة بعض، وبنبقى حارصين اننا نساعد بعض وأول مرة أعمل كوميدى و اوس اوس وفهمي ومحمد انور هما اللى ساعدوني أطلع احسن حاجة وكنا بنروح اللوكيشن عشان نشوف بعض كنا حابين الفريق اوي.
ما هى الصعوبات التي وجهتك في الدور؟
الصعوبة الوحيدة هى أن أول مرة أقوم بتقديم دور كوميدي لكن أبطال العمل شاطرين جدا في الكوميديا وكانوا حريصين دائما على مساعدتي.
ما سر غيابك عن شاشة السينما طوال هذه الفترة؟
مش بيتبعتلي حاجة اتبسط بيها، لأن السينما لها رونق خاص، وأتمنى أقدم أعمال مختلفة الفترة القادمة.
كلمني عن شعورك لما بقيت أب؟
أحلى شعور في الدنيا خلفة البنات.. حقيقي البنت بتخطف قلب الأب.. وهما أحلى حاجة في دنيتي، والناس مختلط عليها الأمر إن مريم بنتي الأولى لكن الحقيقة انا عندي مراد عنده سنه ونص ومريم بنوتي الثانية.
ألهام شاهين دايما بتقول أمير ابني إيه شعورها بقى لما شافت مريم بنتك؟
إلهام أختي وصحبتي وكل حاجة في حياتي، هي بتحب مراد أوي بس اتعلقت بمريم أكتر وسعيدة بيها أوي وحبيتها أوي لأن البنات ليهم رونق خاص كدة.
اقرا ايضا | خاص| أمير شاهين يوضح سر ابتعاده عن السينما