أحمد سعد لجمهور الكويت «إن شاء الله أشوفكم تاني عن قريب»

أعرب الفنان أحمد سعد، عن انتهائه من حفلته والتي كانت بدولة الكويت الشقيقه، وذلك عبر حسابه الرسمي بموقع التواصل الإجتماعي انستجرام.
View this post on Instagram
A post shared by AHMED SAAD (@ahmedsaadofficial)
وكتب أحمد سعد عبر حسابه الرسمي قائلاً : "شكراً جمهور الكويت الحبيب والجمهور العربي اللي شرفوني بالحضور بجد كانت ليله مميزه بيكوا وإن شاء الله أشوفكم تاني عن قريب في الكويت شكراً حسين موسى".
جدير بالذكر قد صرح الفنان أحمد سعد عن الوصفة السحرية لأغانية الخاصة، وذلك خلال أحد البرامج التليفزيونية قائلاً: «أقولك مثلاً فكرت أني محتاج لأغنية يكون فيها كلمة وسع .. وسع ، جالي فكرة إني عايز أعمل أغنية أقول للناس وسع وسع ، وهما يقولولى وسع وسع .. جاتلي الفكرة من هنا.
وأستكمل: «ليه بقى جاتلي فكرة وسع وسع، لأن أنا عايز أتكلم في الأغاني زي ما احنا بنتكلم مع بعض، مش عايز أقول أنا فى وسط حب القمر شفت الشمس بتلمح العيون، مش عايز».
«عايز أقول بس ياعم، وسع بقى، زي ما أحنا بنتكلم بنا وبين بعض»
يذكر أن الفنان أحمد سعد، حل ضيفًا على البرنامج السعودي «هذا مكانك»، وتحدث أحمد سعد عن دراسته، قائلًا : "أنا مدخلتش ثانوية عامة، لأن التقديم في معهد الموسيقى العربية، بيكون بعد الإعدادية ولمدة 7 سنين، وهو في فنان يفهم في الكيميا والفيزيا.. دي حاجات صعبة على مستوى تفكير فنان".
وقال عن سر نجاحه: "أمي دعت لي وزوجتي وشها خير عليا، وبتدخل في كل حياتي، وكان وشها قدم السعد وبتحبني أطلع بشكل معين ودايمًا مركزة معايا".
اقرأ ايضاً | رامي وحيد يصل عقد قران إيساف ويلتقط الصور مع العروسين | فيديو وصور