ويجز لمنتقديه: «اتبسطتوا وخلوني اتبسطت»

خرج مطرب الراب ويجز، للرد على منتقديه عبر حسابه الرسمي على موقع التواصل الاجتماعي "إنستجرام".
وتحدث ويجز، في فيديو عبر خاصية "ستوري"، قائلاً: "مساء الفل يا جماعة نفسي الناس تجاهد نفسها بعدين تيجي تجاهد عندي، علشان مبقتش فاهم أنت عندك مبدأين في الحياة جاي تطبقهم عليا، لا طبقهم على نفسك".
وأضاف ويجز، : "ولما الناس إن شاء الله يقولوا إنك أنت المثال الذي يحتذي به أهو أنا هحتذي بك وهاجي اسألك، وأقولك أنت عملت كده إزاي بجد أنا عايز أتعلم كل اللي عندك غير كده بجد بلاش الجهاد اللي هو أخش أقولك تعمل إيه ومتعملش إيه في حياتك ده غريب جدًا بجد، اتبسطتوا وخلوني اتبسطت".
وحرص ويجز، على توجيه رسالة لجمهوره، قبل الحفل الغنائي الذي يحييه في الأردن يوم الجمعة 2 سبتمبر المقبل.
ونشر ويجز عبر حسابه في إنستجرام مقطع فيديو قال فيه: "بخصوص حفل الأردن، في حد قرر يطلع يقول إني عايز الناس كلها تلبس أبيض، لأ عادي يا جماعة، ممكن الناس كلها تلبس أحمر أو أزرق أو أخضر، أي لون إنت عايزه، طالما مش هيوجع عينينا، وطالما مش فسفوري، لإن مفيش حد ينفع يلبس فسفوري".
وأضاف: "ياريت كل واحد يلبس حاجة تعبر عن شخصيته، ماتسمحش لحد يقول لك تلبس إيه وماتلبسش إيه، مفيش حد له الحق يقول لك تلبس إيه، إلبس واقلع اللي إنت عايزه".
ويستعد ويجز للقاء جمهوره لأول مرة في الأردن، في الحفل الذي تم الإعلان عنه وطرحت الشركة المنظمة له التذاكر في فئتين، الأولى قيمتها 60 دينارا، والثانية 40 دينارا، كما تم الإعلان في وقت سابق عن اشتراط حضور الحفل بالملابس البيضاء.
وأحيا ويجز مؤخرا حفلا في مدينة العلمين الجديدة بنجاح كبير، بمشاركة مطرب الراب المغربي طه فحصي المعروف فنيا باسم الكراندي طوطو.