عبير صبري منزعجة من السوشيال ميديا: شريرة ولازم يكون فيه رقابة عليها

أعربت الفنانة عبير صبري استياءها من السوشيال ميديا، خاصة بعد انتشار عدد من الجرائم مؤخرا.
وكتبت عبير صبري عبر حسابها على إنستجرام: "الضغوط على الناس والشباب عالية جدا، خصوصا على السوشيال الميديا الشريرة اللي بتوري صورة للناس على إنهم متميزين وبيرفكت من خلال صور مزيفة ومش حقيقية، وصور بالفلاتر وصور الأكل الفاخر والملابس الفاخرة والسفريات للمالديف وغيره والشنط الغالية والأجسام وعمليات النحت، وعايزة أبقى شبه فلان أو فلانة وعايز أبقى مشهور وخلاص".
وأضافت عبير صبري: "حتي لو شهرتي قايمة على إني أتصور وخلاص واسمي اللي بعمله بلوجر، وده شيء بلا محتوى أو قيمة حقيقية وعايز تليفون زي اللي في إيد صاحبي وقرف كتير والشباب مش عارف يبقى سعيد لأنه عايز ساعة غالية وعربية غالية، ومبقاش حد بيدور على معنى السعادة الحقيقية، وكل الناس بتقلد بعض".
وتابعت: "أرجوكم السوشيال ميديا دي لازم يبقي ليها ظابط ورابط، لازم الدولة تتدخل، لازم يبقى فيه بوليس للسوشيال ميديا دي، ما يقدر على القدرة إلا ربنا يا جماعة".
واختتمت عبير صبري قائلة: "شاركوني آراءكم إيه السبب في الانتحار اللي شوفناه من شباب صغير لسه قدامه الحياة وجريمة قتل مرعبة لبنت مسكينة ملهاش ذنب، تفتكروا الشباب محبط كدة ليه، صدقوني كل الناس عندها مشاكل حتى لو مش بتظهر ده للناس وبيظهروا عكس كدة".
وكان آخر أعمال عبير صبري مسلسل "يوتيرن" بطولة ريهام حجاج، كريم قاسم، نانسي صلاح، أيمن قيسوني، محمود حجازي، تأليف أيمن سلامة، واخراج سامح عبد العزيز.
تدور أحداث مسلسل "يوتيرن" حول شخصية البطلة التي تتزوج بعدما كانت تعمل فى مجال الملاحة البحرية، ويستعرض علاقتها بزوجها ووالدها وصديق طفولتها، وتتصاعد الأحداث بشكل كبير بعد حدوث أزمة بينها وبين زوجها.
View this post on Instagram
A post shared by Abeer Sabry (@abeersabryofficial)