حمادة هلال: عايش بدعوات أمي ..ولو الطريق قفل قدامي بحاول أشوف إيه الأسباب

قال الفنان حمادة هلال بدايتي كانت في " الشرقية " اتعرفت علي المهندس " اش اش " وهو اللي عرفني علي "حميد الشاعري" وبعدها بدأت أغني وأعمل ألبومات، إحتياجي الوحيد هو الدعاء كانت "أمي" الله يرحمها بتدعي لي دايما، جاء ذلك خلال حواره لبرنامج ع اللوكيشن مع شريف الليثي علي راديو هيتس.
و أضاف نقطة التحول التانية في حياتي هي التمثيل، وأول مسلسل ليا أسمه " بدارة " كان 15 حلقة، و أول فيلم ليا كان "حلم العمر" بس أتعرض بعد فيلم "عيال حبيبة"، وأول انطلاقة في حياتي كانت في فيلم" عيال حبيبة" سنة 2005، وأهم 3 محطات في حياتي أغنية " محمد نبينا / والله و عملوها الرجالة / دايما دموع " .
وتابع أنا مش بحب أفصل أبدًا و الحمدلله عندي أسرة حاسه بيا طول الوقت، و أكتر حاجة بتخوفني في الطريق هو إني أظلم حد لكن النجاح و الفشل مش بخاف منه خالص.
أما عن أغنية " محمد نبينا " فهي إنتاجي و ألحاني ، و أول مرة روحت المدينة اتمنيت أعمل أغنية فيها مديح للنبي ، و أخويا " مدحت " هو اللي معايا من أول الطريق و عايش بدعوات أمي لحد دلوقتي.
و اختتم قائلا لو الطريق مقفول قدامي بقول يارب و بحاول أشوف الأسباب.