الإعلامية سالي عبد السلام تروي معاناتها مع «الثعلبة»

كشفت الإذاعية سالي عبد السلام معاناتها مع مرض ثعلبة الرأس الذي أصيبت به منذ 2017 وتطورات حالتها الصحية معه.
ونشرت سالي عبد السلام صورة لها عبر حسابها الرسمي بموقع التواصل الاجتماعي «فيس بوك» وعلقت: «أنا في الابتلاء ده من 2017.. آخر مرة جتلي الثعلبة في شعري ومشيت وقالولي مش هتيجي تاني كان من سنتين نفس الشهر ده بالضبط أبريل 2020 عند الناس بتيجي بالواحدة.. أنا حتى في دي ربنا بيختبرني بزيادة.. سبحانك يا رب.. يبتليك الله ويختبرك في أكتر حاجة بتحبها أو كانت مميزة زمان والناس فاكرة إنها زي ما هي والناس كلها بتمدحها وكانت حلوة زمان ويختبرك».
وأضافت: «الرضا من عندك يا رب عشان بدأ يروح مني سامحني واعفو عني ومعنديش لا قوة ولا طاقة ولا قادرة أصبر وأبدأ من جديد العذاب ده كان لازم أروح الفطار مع الولاد في الدار ملهمش ذنب وأنا وعدتهم قبل ما أسمع الخبر وأبقى مضطرة انبسط وأجبر بخواطر وخاطري مكسور».
وتابعت: «رجعت أكتر حاجة بتوجع في الدنيا حقن الكورتيزون في الراس! 7 حقن في عضم الرأس 10 شكات «70 شكة» والدموع بتقع منى غصب عنى والله مع إنى عمري ما بعرف أعيط قدام حد».
واختتمت منشورها بمطالبة جمهورها الدعاء لها بالشفاء في أسرع وقت خاصة وإنها تعاني من هذا المرض منذ فترة كبيرة، قائلة: «ادعوا لي يعفو عنى ومأخدش كورتيزون كورسات كاملة تاني واتبهدل تاني وأبدأ من أول وجديد تاني والوجع تاني.. اللهم إنك عفو كريم تحب العفو فاعف عني اللهم أجرني في مصيبتي وأخلف لي خيراً منها».
إقرأ أيضا
أفضل 5 أطعمة لعلاج مرض الثعلبة