ناهد السباعي: «جدتي هدى سلطان احترمت عمرها وكل أدوارها»

قالت الفنانة ناهد السباعي: جدتى هدى سلطان احترمت عمرها وكل أدوارها، وأنا شخصيًا مش عاوزة أكبر وأفضل فى المرحلة العمرية دى وبخاف أكبر لكن هى كسرت القاعدة دى، ونفسى أحب كل المراحل العمرية ليا زيها وبره فى العالم بيكبروا ويكتئبوا هى حبت كل مرحلة وهى أم وهى جدة، هى عظيمة جدًا بكل ما تحمله الكلمة من معنى، وكمان تبقى ممثلة ومغنية بالقوة دى، كان نفسى أخد منها كل حاجة".
وأكدت ناهد السباعى، خلال ندوة توقيع كتاب "10 نساء في واحدة" عن هدى سلطان في إطار تكريمها بالدورة الحالية لمهرجان الأقصر للسينما الأفريقية: "الناس لما تشوفنى بتسألنى ليه بتقدمى أعمال فنية قليلة عشان بحب كلمة أنتى وحشتينى، زمان كان فيه كل نجمة بأفلامها وأفلام المرأة كتير لكن دلوقتى بقى معندناش أفلام المرأة، وفى مجتمع ذكورى وأسفة إنى بقول كدة فى يوم المرأة".
وأشارت قائلة: بالرغم من أدوار الاغراء اللى عاملتها كانت دائما تقول أول ما الشمس تنزل لازم نرجع البيت وندخله كانت جميلة أوى، وجدتى كانت مش بتحب تغنى فى الأفراح لكن أفراح العيلة غنت فيها كلها.
جدير بالذكر أن مهرجان "الأقصر للسينما الأفريقية" يقام من 4 إلى 10 مارس واختار مجلس إدارته دولة أوغندا لتكون ضيف شرف الدورة 11، والمهرجان تقيمه وتنظمه مؤسسة شباب الفنانين بدعم من وزارات السياحة وال0ثار والثقافة والشباب والرياضة والخارجية المصرية، وبالتعاون مع محافظة الأقصر ونقابة المهن السينمائية ويرأس المهرجان السيناريست سيد فؤاد ومديرته المخرجة عزة الحسيني.