حسن الرداد: أنا من أكثر الناس اللي بيطلع عليا شائعات.. وضيعت فرص كتير

أكد الفنان حسن الرداد، كثرة تعرضه للشائعات منذ عمله الفني وخلال فترة زواجه من إيمي سمير غانم، قائلاً: "أنا من أكثر الناس اللي بيطلع عليا إشاعات ومن أول ما اتجوزت وانا راجع من شهر العسل بسمع شائعات والناس بتصدق والأخبار اللي نزلت كثير ولكن مش حقيقية"، كام أقر بأنه اهدر فرص مهمة خلال بدايته الفنية "وفى حاجات كتير انا ضيعتها بأيدي".
اقرأ أيضا |حسن الرداد : سمير غانم من أطيب الناس ومحسيتش أنه حمايا وعلاقتي به خاصة جدا
وأشار الفنان حسن الرداد، خلال حواره ببرنامج "حبر سري" مع الإعلامية أسما إبراهيم على قناة القاهرة والناس، إلى قوة علاقته بالفنان عمرو يوسف، وأضاف ساخرًا: "عمرو يوسف أنا اللي مطلعه ومعرفش أنى فى مقارنة بيني وبين عمرو يوسف واحنا الاثنين طالعين مع بعض في الدالي".
وتابع: "عمرو يوسف كان واقف معايا فى فرحي زي أخويا بالظبط وبالعكس أنا وقفت معاه في فرحه وبدايتنا في الفن كانت مع بعض وده ممكن يخلى الناس تعمل مقارنات وهو نجح وبقى نجم كبير".
وعلى جانب آخر، أكد الفنان حسن الرداد، أن أعماله مع الفنانة إيمي سمير غانم من أكثر الثنائيات الناجحة فى مصر والوطن العربي والدليل منذ زواجهما من فترة 5 سنوات لا تزال الشائعات تلاحقهما بشكل شهري، موضحاً أن البعض يروج لهذه الشائعات وهو يرفض الخروج للرد على كل الشائعات.
وأضاف الرداد ، خلال حوار ببرنامج "حبر سري" ، المذاع عبر فضائية "القاهرة والناس"، أنه نجح في العمل مع زوجته إيمي، قائلا: "احنا نجحنا جامد مع بعض وأي عمل تلفزيون سنيما أو مسرح أو اذاعة بيبقوا عايزينا نظهر مع بعض وكل الناس بتطلب الثنائي مع بعض، والورق هو اللي بيوجه والجمهور حابب يشوفنا مع بعض".
وأعلن الفنان حسن الرداد، عن أنه وإيمي يبحثان عن سيناريو ليعودا به للعمل سويًا، متابعا: "الجمهور حابب يشوفنا مع بعض واننا نعمل شغل لوحدينا بقى صعب وقلنا نأخذ استراحة شويه وبعدين نرجع تاني والفترة اللي جايه بندور على سيناريو شغل مع بعض".
وكانت انشرت أخبار الأيام الماضية على مواقع السوشيال ميديا عن اعتزال إيمي ودنيا سمير غانم التمثيل.
وخرج حسن الرداد، ليوضح حقيقة الأمر في تصريحات تليفزيونية، أن هذه الأخبار غير صحيحة وغير معقولة.