شريف منير عن الراحلة سهير البابلي: كان عندها عفوية غير طبيعية |فيديو

تحدث الفنان شريف منير عن الراحلة سهير البابلي قائلًا: كان عندها عفوية غير طبيعية وارتجال مش معقول ومفاجئ وتخلي الناس تتنطط من على الكراسي ودمها خفيف في الكواليس وعلى المسرح وإيقاعها سريع، وسهير البابلي أفتكر لها موقف كانت نسيت الكلام على المسرح وارتجلت في كلام كتير أوي وسألتها عملتي إزاي كده قالتلي يا بني دي سنين.
وتحدث منير، خلال لقاء خاص على برنامج كلمة أخيرة مع الإعلامية لميس الحديدي، المذاع على قناة ON، عن بداياته قائلا: عملت مشوار مش بطال هو كان متعب ونتج عن التعب ده متعة، وحطينى في حتة إن لازم أخد بالي في اختيار أعمالي وده أثر عليا في عدم ظهوري بشكل كبير؛ لأن مش كل حاجة بتعجبني، لدرجة أن أحمد رزق في مرة قالي أنت هتبطل تمثيل، لأني قعدت 3 سنين دون شغل بسبب إن مش عاجبني حاجة.
وتابع شريف منير: شغلي مع فنانين كبار أمثال عادل إمام ومحمود عبد العزيز وأحمد زكي وقدمت أعمال حلوة كتير جعل تاريخي وضميري الفني يرفض الحاجة اللي متعجبنيش وأحيانا بكون مزنوق وعاوز فلوس عندي مصاريف زي الناس، بس بلاقي نفسي مش قادر أعمل حاجة مش مقتنع بها.