رد محمود المهدى زوج الفنانة منة عرفة، على تصريحات الفنان محمد نجاتي بشأن الخلاف الذى وقع بينهما بسبب مشهد جمع منة بنجاتي ضمن أحداث مسلسل "فيلا 101". ونشر المهدي مقطع فيديو عبر حسابه بموقع "إنستجرام": قائلا فيه: "الموضوع خد أكبر من حجمه، بيقولو إن فى مشهد بسبب إنه كان بيقيس نبض إيد منة، وهي رفضت، وكان ده سبب الخلاف وأدى للانفصال، مفيش الكلام ده خالص". View this post on Instagram A post shared by ArabWood (@arabwoodtv) وأضاف: "المشهد أصلا كان عبارة عن إن هى تتشال وهى رفضت إنها تتشال، وإحنا بنتكلم من الأول مع المنتج والمخرج إن مفيش مشاهد بوس، مفيش أحضان، ومفيش شيل، وهى حاطة قواعد، زى أى فنانة محترمة". وتابع: "إحنا مش لازم نوصل الفن بطريقة وحشة، ممكن نوصله بشكل محترم، وإحنا لازم نحافظ على عادات مجتمعنا الشرقى، وسبب المشاكل ان الموضوع وصلني بشكل غلط، والمشاكل اللي بيني انا ومنة تخصنا احنا وبس، والحمد لله اتحلت مشاكلنا، وحاليا مافيش اي حاجة وحشة بيننا". واكد في آخر حديثه قائلا: "انا عايز اقولكم انا بعشق منة ومش متخيل اني اكون من غيرها، ويارب يديم المحبة بينا ديما". وكانت منة عرفة، أعلنت عن عودتها لزوجها الشاب محمود المهدى، ونفت منة ما تردد عن وجود اتفاق بينها وبين المهدى لنشر خبر انفصالهما ثم العودة من جديد من أجل البحث عن الشهرة و"ركوب التريند"، موضحة أن من روج لهذا الأمر "مريض نفسى" على حد قولها. يذكر أن منة عرفة ومحمود المهدى عقدا قرانها يوم 30 يونيو الماضى، بعد فترة خطوبة امتدت لبضع أشهر، وكان من المقرر أن يتم زفافها قريبا دون حفل، قبل أن يعلن المهدى خبر انفصالهما منذ أيام.
