أسماء مصطفى: ربنا ليه حكمة في شدة المرض وألمه

وجهت الإعلامية أسماء مصطفى، رسالة مؤثرة عبر حسابها علي "فيس بوك"، تتحدث فيها عن تجربة السرطان، حيث إنها تعاني من ورم خبيث.
وكتبت أسماء مصطفى، يا رب أنا راضية الاختبارات الإلهية من ربنا بتكون درجات زى مثلاً المرض اللعين ده فى ناس بتمر بالتجربة صحيح كلها مرار بس كله واحد وصعوبة اختباره وابتلاه واحد يخف بسرعة وحد مياخدش كيمو ولا يشوف قسوته وحد تانى ياخد اصعب درجاته وتلاقى الى عنده فى اكثر من مكان وتلاقى حد تانى استجابته أسرع وواحد أقل ".
وتابعت: "أكيد ربنا سبحانه وتعالى ليه حكمة فى صعوبة الاختبار والبلاء واكيد بردوا ليه حكمة فى شدة المرض والمه حكمة الهية لا يعلمها الا الخالق سبحانه وتعالى بس فى الاحوال الحمد لله رب العالمين اللهم تقبلنا وارضى عنا".
وكانت الإعلامية أسماء مصطفى، مقدمة برنامج هذا الصباح على قناة "إكسترا نيوز"، أعلنت إصابتها بمرض السرطان وأن هذا سبب اختفائها خلال الفترة الماضية.
وكتبت أسماء مصطفى- عبر صفحتها الشخصية- على "فيسبوك"، "أنا بعتذر طول الفترة اللي فاتت عن الاختفاء وعدم الرد غصب عني الحقيقة بقالي كام شهر مش عارفة أرد أو أكتب أقول إيه لمعظم الناس وده كان علشان أمي وعيلتى لحد ما يستوعبوا القصة وبعد ما عرفت ورضيت خلاص مش فارق معايا خلاص".
وذكرت: "أنا حالي حال ناس غيري كتير بيمروا بمعركة مع المرض اللعين الاسم صعب معلش وأنا منهم بحاول وبكافح وربنا كريم صحيح المشوار لسه طويل والشفا بإيدين ربنا وحده وما علينا غير إننا ناخد بالأسباب ونرضى بقضاء الله ونسأله اللطف فيه مش عايزة حد يزعل أنا بس محتاجة الدعاء لأني مؤمنة انه بيغير القدر".
وتابعت: "أنا قطعت مسافة كويسة في رحلة العلاج الحمد لله ولسه في خطوات تانية ربنا يسهل في انتظار تحديد ميعاد العملية علشان كده عدم ظهوري هيطول.. رجاء تاني محدش يضايق فضلا الدعاء".