ميدو ل شيكابالا: «عمري ما هرد على كلامك»

رد أحمد حسام ميدو لاعب الزماك السابق على تغيردة محمود عبد الرازق شيكابالا لاعب الأبيض .
ونشر ميدو فيديو على حسابه بموقع تويتر وكتب: «عمري ما هرد على الكلام اللي قاله شيكابالا، عمري في حياتي حد دخل بيتي أو أنا دخلت بيت حد وأكلت معاه عيش وملح وهو زي أخويا الصغير وهرد عليه وهنضحك الناس علينا، أسهل حاجة إني أرد وأضحك الناس علينا».
مساء الفل pic.twitter.com/6YUgAC0H2y
— Mido (@midoahm) August 27, 2021
وأضاف: «أنا كنت بنتقد تصرف عام بقول مينفعش نعمل كدة، وإحنا كسبانين وبقول إننا كنا صغيرين ودلوقتي كبرنا ومفيش مثالية، ولكن ده جزء من شغلنا لأننا بنوصل رسالة للاعبين الصغيرين، وأنا عمري ما هرد هو أخويا الصغير وما زال أخويا الصغير، أسهل حاجة في الدنيا إننا نطلع نردح لبعض ونرد على بعض ولكن الأصل بتقول إن مينفعش نضحك الناس علينا».
وكان شيكابالا قد كتب تغريدة على تويتر قال خلالها "شكلنا هنشوف صورة تاني في الجونة"، وذلك تعقيبا على تعليق أحمد حسام ميدو، على احتفالات لاعبي القلعة البيضاء مع الجماهير داخل الملعب عقب حسم بطولة الدوري بعد الفوز على الإنتاج الحربي.
ونشر ميدو، فيديو عبر حسابه الشخصي على موقع «تويتر» وقال خلاله: «أمبارح بالليل أول مرة اشوف احتفالات لاعبي الزمالك مع الجماهير».
وشدد قائلا: «أنا ضد الاحتفالات دي اللى فيها سب لأي جمهور أو أي حد، ومثل تلك الاحتفالات ضد قيم النادي».
وأضاف: «اللاعيبه جابت الكلام دة منين، أنا عارف إن الزملكاوية هتنزل من الكلام ده، لكن زى ما بنطالب الناس تحترم نجومنا لازم النجوم تحترم نفسها».
وتابع: «احتفل وافرح بدون تجريح في أي حد لكن عيب اننا فى وسط فرحتنا بفوز ببطولة مهمه اننا اول حاجه نعملها نسب نادى تاني أو جماهير المنافس».
بعد احتفالات لاعبي الزمالك مع الجماهير.. ميدو: «عيب واحترموا نفسكو»| فيديو