وصفت الفنانة صابرين أزمة الفنانة حلا شيحة بالمريبة، قائلة :" بالنسبة لي كان موقف مريب وأنا أعرفها وهي خالعة الحجاب وهي محجبة ومنقبة في مناسبات مختلفة جمعتنا .. لكن الموقف الأخير كان مريب حسيت وقتها إن فيه حاجة غلط ". وأضافت صابرين في حوارها مع الإعلامية لميس الحديدي في برنامج " كلمة أخيرة " على شاشة " ON" قائلة :" لما قرأت البوست كان غريب برضه انتي خلاص عملتي حاجة أو خدتي خطوة تمام بس مش كده يعني". وقالت صابرين أنا مش عارفة ممكن تكون حلا شيحة تعرضت للتخبط في الفترة الأخيرة بعدت نسيت التمثيل وده عادي الفنان يتعرض للتخبط ". وأكملت صابرين:" ما فعلته حلا شيحة كان "أوفر" شوية وأكثر ما أزعجني في أزمتها علاقتها بوالدها الفنان أحمد شيحة .. أي حاجة عادي لكن علاقتك بوالدك ماينفعش تبقى كده أبوكي راجل محترم جداً، وتابعت موجهة حديثها ل حلا شيحة:" براحتك أتجوزي واعملي الي إنتي عايزاه لكن معلش الاب والام مش خط أحمر بس ده خط "ملتهب".