صابرين تنتقد حلا شيحة: موقفك أوفر.. هي حرة لكن والدها خط أحمر (فيديو)

وصفت الفنانة صابرين أزمة الفنانة حلا شيحة بالمريبة، قائلة: "بالنسبة لي كان موقف مريب وأنا أعرفها وهي خالعة الحجاب وهي محجبة ومنقبة في مناسبات مختلفة جمعتنا.. لكن الموقف الأخير كان مريب حسيت وقتها إن فيه حاجه غلط".
هاجر أحمد تحتفل بزفافها على الحداد .. تفاصيل
وتابعت في لقاء خلال برنامج "كلمة أخيرة"، الذي تقدمه الإعلامية
لميس الحديدي على شاشة "ON"، قائلة: "لما قرأت البوست كان غريب برضه، إنتي خلاص عملتي حاجة أو خدتي خطوة تمام بس مش كدة يعني.. إنتي كنتي رجعتي وعملتي مسلسل (خيانة عهد) مع يسرا"، مواصلة: "مش عارفة ممكن تكون تعرضت للتخبط في الفترة الأخيرة
لما بعدت نسيت التمثيل وده عادي الفنان يتعرض للتخبط".
وأكملت: "لكن اللي عملته كان أوفر شوية وأكثر ما أزعجني في أزمتها علاقتها بالوالدها الفنان أحمد شيحة.. أي حاجة عادي لكن علاقتك بوالدك ماينفعش تبقى كده أبوكي راجل محترم جداً.. براحتك اتجوزي واعملي اللي انتي عايزاه هي إنسانة وحرة ولا أجرأ أتكلم في ده.. لكن معلش إيه الي ماعجبكيش في أبوكي وأمك.. الأب والأم مش خط أحمر بس ده خط ملتهب".