راندا البحيري تهاجم حلا شيحة: «كلنا عارفين الخير اللي بيعمله تامر»

هاجمت الفنانة راندا البحيري، الفنانة حلا شيحة، بعد أن هاجمت الأخيرة الفنان تامر حسني وأعلنت تبرأها من فيلم وكليب «مش أنا».
اقرأ أيضًا| محمد العدل ساخرًا من حلا شيحة: «بلاش موبايل من أصله»
ونشرت البحيري عبر حسابها الخاص بموقع التواصل الاجتماعى فيس بوك: «هو محدش فهمها إن اللي بتعمله ده ممكن يعرضها للمسائله القانونية، وانها بتضر بسمعة فيلم وبالتالي إيراداته؟ وبتتكلم عن ممثل ونجم بحجم تامر حسني بالشكل ده اكنها أحسن منه.»
وأضافت راندا: «احنا كلنا عارفين الخير اللي بيعمله تامر طول عمره في الخفا وفي العلن علي ايدينا كلنا، فضله علي ناس كتير أوي وربنا جعله سبب لفتح بيوت اد كده»
واستنكرت البحيري تصريحات حلا شيحة قائلة: «تقوم دى... تنصحه؟؟؟ لالالالا والله هم يضحك».
ووجهت حلا رسالة قوية إلى تامر قائلة: «أنا اتفاجئت جدا ًبنزول كليب يجمع فيه مشاهد متفرقة من الفيلم وفي أيام ذي الحجة أيام مباركة وخصوصاً بعد آخر بوست نزلته و وضحت فيه أنا إيه، اتفاجئت اكتر خصوصا ًبعد وعد تامر حسني ليا وتأكيده إنه هيحترم رغبتي و بعض الطلبات اللي طلبتها منه بكل احترام وود الصيف اللي فات وأكدلي إنه حيحترم رغبتي».
وأضافت: «احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح، انا عارفة و متاكدة ان زملائي جواهم خير بس للاسف فتنة الشهرة و النجاح مش بتخلينا نشوف ونقيس الامور صح، بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة اننا بنغفل و بننسى».