تامر حسني: "مكنتش لاقي آكل وسمعت كلام مهين وأتذليت عشان حلمي" | فيديو

تصدر النجم تامر حسني، تريند موقع البحث «جوجل»، وذلك بعد إستضافته مساء أمس، في برنامج «الحكاية»، الذي يقدمه الإعلامي عمرو أديب، المذاع على قناة MBC مصر.
ووجه تامر حسني، خلال الحلقة، نصيحة للشباب بعدم الاستسلام لواقعهم وتغييره متى أرادوا ذلك، قائلا «لو مش عاجبك مكانك في الدنيا غيَّره لأنك مش تمثال وإنت مش شجرة وينفع تروح كده وكده وينفع تعافر والكلام ده حقيقي وأنا شخصيا مريت بده والحمد لله ربنا كرمني وبقيت بحقق في أحلامي».
وتابع حسني، «أحيانا كنت أسمع كلام مهين وكنت بقول ماشي هقبلها لأني كنت بتذل لحلمي ومعنديش مشكلة المهم أوصل وهوصل يعني هوصل وده كان في دماغي».
وأضاف: «أنا حاسس بالشباب جدا وأنا واحد كنت من فترة مكنتش بقول الظروف لكن كان عندي الظروف كلها ومكنش معايا فلوس وكان عندي مشاكل أسرية ومش لاقي أكل ومش عارف أروح وأنا كتامر حسني عدى عليا سنين مش لاقي أكل وكان لازم أدور على طريق لأن كان قراري كتامر هوصل يعني هوصل وأجي لها كده وأجي لها كده ومن غير يأس».
واعترف تامر حسني، بوجود الواسطة «فيه كل الحاجات دي ومش هننكر وفيه وسايط ومحسوبيات وفيه خدمات ممكن تحصل وحد يزق قريبه وحد مش ذو موهبة ويقولوا له تعالى اعمل دور مع إن صاحب الموهبة أولى وأنا كنت بشوف ده بعيني والعالم كله فيه ده».
يذكر أن الفنان تامر حسني، يعرض له حالياً بجميع دور العرض السينمائي فيلم "مش أنا"، ويشاركه في البطولة كل من الفنان ماجد الكدواني وسوسن بدر وحلا شيحة.
وتدور أحداث الفيلم حول إصابة "حسن" بحالة غريبة تفقده السيطرة على يده، فيصبح مع مرور الوقت ضحية العديد من الموقف الصعبة والمحرجة، بينما يرفض كل من حوله تصديق حالته.