الإعلامية أسماء مصطفى بعد استئصال ورم خبيث: «افتكروني بالدعاء»

نشرت الإعلامية أسماء مصطفي، على صفحتها الرسمية "فيس بوك" تدوينة، طمأنت فيها متابعيها على حالتها الصحية، مشيرة إلى أنها أصبحت مستقرة، موجهة الشكر لهم على دعواتهم.
وعلقت أسماء مصطفي قائلة: "انا بشكركم على دعواتكم ليه وسؤالكم طول الأيام اللي فاتت طبعا انا بعتذر لاني ظروفي الصحية بتمنعى من المتابعة لكن زميلى الأدمن بيبلغني بشكركم من قلبي وفضلا افتكروني بالدعاء، واللى مش قادر يكتب أو يعلق كفاية تقروا كلامى وتدعولي".
وتابعت: "أنا مؤمنة أن ربنا كريم وأن الدعاء بيغير القدر ربنا يشفيني ويشفى كل مريض ويخفف عن كل إنسان بيتألم ألمه اللهم نسألك الصحة والعافية عاجلا غير آجل برحمتك يا الله كل سنة وانتم طيبين وافضل صحة واحسن حال".
كانت الإعلامية أسماء مصطفى قد كشف عن أسباب اختفائها خلال الفترة الماضية.
وقالت أسماء مصطفى في منشور لها، عبر صفحتها على موقع التواصل الاجتماعي فيسبوك، «بعتذر طول الفترة اللي فاتت عن الاختفاء وعدم الرد غصب عني الحقيقة بقالي كام شهر مش عارفة أرد أو أكتب أقول إيه لمعظم الناس وده كان علشان أمي وعيلتى لحد ما يستوعبوا القصة وبعد ما عرفت ورضيت خلاص مش فارق معايا خلاص».
وتابعت أسماء مصطفى: «أنا حالي حال ناس غيري كتير بيمروا بمعركة مع المرض اللعين الاسم صعب معلش، وأنا منهم بحاول وبكافح وربنا كريم صحيح المشوار لسه طويل والشفا بإيدين ربنا وحده وما علينا غير إننا ناخد بالأسباب ونرضى بقضاء الله ونسأله اللطف فيه مش عايزة حد يزعل أنا بس محتاجة الدعاء لأني مؤمنة إنه بيغير القدر.. أنا قطعت مسافة كويسة في رحلة العلاج الحمد لله ولسه في خطوات تانية ربنا يسهل في انتظار تحديد ميعاد العملية علشان كده عدم ظهوري هيطول.. رجاء تاني محدش يضايق فضلا الدعاء».
اقرأ أيضا |رسالة لميس الحديدى لأسماء مصطفى وإيمان الحصرى | فيديو