وزير التعليم: أولياء الأمور هدفهم دخول أبنائهم الجامعة حتى لو بالغش

قال الدكتور طارق شوقي وزير التعليم والتعليم الفنى خلال الجلسة العامة لمجلس الشيوخ اليوم الإثنين: إن مجانية التعليم ضاعت من زمان، ومفيش طالب بينجح في سنة نقل من غير فلوس ومافيش حد بينجح في ثانوية عامة من غير فلوس، عايزين نرجع مجانية التعليم المنصوص عليها في الدستور، وما تجيش اللجنة تكلمني عن رسوم استمارة ثانوية عامة ب 200 جنيه لما نعمل تحسين اختياري وهو في النهاية اختياري.
وتابع الوزير خلال مناقشة قانون التعليم بمجلس الشيوخ : "بالنسبة للأهالى الوصول للمقعد الجامعي بالغش مباح في التعليم ولا يتعارض مع الصلاة والصيام، وهناك 85% ينجحوا بالغش مش جايين يتعلموا جايين يأخذوا شهادة"»
وأكد شوقي انه خلال امتحان أولى ثانوي في شهر فبراير الماضي، اكثر من 85% من الطلبة غشو برضا الأهالي.. نعمل إيه نجيب البوليس، ده يدل على أننا جايين نأخذ شهادة مش نتعلم وكنا بنغير الواي فاي بتاع المدارس كا شوية لأنها كانت تباع للمقاهي جانب المدارس ويتم فتح السيستم.
واشار طارق شوقي في كلمته الى أن من يسعون للامتحان الاليكتروني هدفهم الغش ، وأن فكرة الحصول على الشهادة، أدت إلى قتل التعليم المصرى وانتشار الدرس الخصوصية التى كانت هى السبيل للحصول على الشهادة.
وتابع الوزير قائلا،:" الموضوع عامل زى اللى عاوز يطلع رخصة قيادة وهو مش بيعرف يسوق، ورافض يمتحن سواقة وعاوز رخصة، زيه زى الطالب اللى مش عاوز يروح امتحان وعاوز ينجح وياخد شهادة".
واضاف ان إجراء الامتحان اليكترونيا او ورقيا هدفه عدم الغش ولا تسريب الامتحانات مع عدم التدخل البشري حيث يتم التصحيح الاليكتروني ولكن اجراء الاختبارات ورقيا هدفه عدم الغش تساوي الفرص بين كافة الطلاب.
واستعرض شوقي خلال الجلسة العامة للشيوخ قانون التعليم وتطوير العملية التعليمية خاصة اجراء الامتحانات النهائية وخاصة امتحان الثانوية العامة حيث يتيح القانون إجراء الامتحانات بنظام التابلت.